QRM temsilcileri 2024 senesi 8-12 iyül künleri Jenevada olıp keçecek tamır halqlarınıñ haqları boyunca BMT(OON) ekspert mehanizmniñ 17 sessiyasında iştirak etecek.
Ayrıca tedbirge QRM reisi, qırımtatar Milliy Meclis azası Eskender Bariyev, QRM yuristi Lüdmila Korotkih de iştirak etecekler.
Hatırlatamız ki, Ekspert mehanizm insan haqları boyunca Keñeşke tamır halqlarnıñ haqları boyunca mesleat ve ekspertizanı taqdim ete. O, aza-devletlerge tamır halqlarnıñ haqları boyunca BMT(OON) Deklaratsıyasınıñ maqsatlarına yetmege yardım ete. Ekspert mehanizm tamır halqlarnıñ haqlarını qoruv ve taqdir etüvinde yardım etmek maqsadınen nevbetteki usullarnen ile tetqiq keçire:
– öz-özüni belgilev ve serbest, evelden tüşünilgen ve añlı razılıq kibi printsiplerniñ aqibetini açıqlamaq;
– tamır halqlarnen bağlı bir sıra meselelerni ve olarnen bağlı tecribeni ögrenmek;
– qanun, siyaset, programma seviyesinde devletler yapa bilecek çarelerni teklif etmek.
Yıl yıldan ekspert mehanizm 5 künlük sessiyasını keçire. Tedbirde devletler, tamır halqlar, tamır halqlar teşkilãtları, vatandaşlıq cemiyeti, hakimiyetara teşkilãtlar ve ilmiy cemiyetlerniñ temsilcileri iştirak ete.
Şundan da ğayrı, tamır halqlarnıñ haqları boyunca BMT(OON) ekspert mehanizmniñ 17 sessiyası çerçivesinde 12 iyülde ‘Tamır halqlarnıñ BMT(OON)ğa integratsıyası’ mevzulı sayd-ivent olıp keçecek. Tedbirde QRM temsilcisi Lüdmila Korotkih iştirak etecek.
Bizni taqip etiñiz, tedbirimiz ve Ukraina tamır halqlarnıñ anda iştiragı haqqında haber alıñız.