Qırımtatar Resurs Merkezi öz faaliyetini 9 yıldan ziyade devam etmekte. Bütün bu vaqıt içerisinde yüzlernen aktsıya, onlarnen effektiv advokatsıon ve informatsıon kampaniya, sergi, sayd-ivent, trening, matbuat konferentsıya, seminar, lager, akademiyalar ve diger tedbirlerni keçirdik.
Böyle ameller QRM taqımından büyük seviye talap etmekte. Diger insanlarnı ögretmek içün muntazam şekilde öz üzerinde çalışmaq, dünya tecribesinen tanışmaq, öz bilgilerni arttırmaq içün tecribeni paylaşmaq ve digerlerniñ tecribesinden faydalanmaq kerek. Şunıñ içün de bir yerde turmaymız.
26 iyün künü QRM meneceri Zarema Bariyeva ve kommunikatsıya meneceri Tatyana Savçuk ENGAGEden ‘Grajdan cemiyetlerini teşkil etüvinde strategik kommunikatsıya ameliyatı: halqara ve milliy tecribe’ adlı onlayn vorkşopta iştirak ettiler.
Tedbir devamında iştirakçiler:
* içtimaiy bölükte strategik kommunikatsıyalrnı amelge keçirüvde *tecribenen almaştılar;
*‘Qoşul’ programmasınıñ tecribesinde strategik kommunikatsıyalarnı amelge keçirüvde faydalı tevsiyeler aldılar;
‘Qoşul’ programması ortaqlarnıñ ihtiyaclarını ve meselelrini belgilediler.
Ortaqlarımız ve tedbirniñ teşkilãtçılarına yañı bilgi almaq imkãnları içün pek minnetdarmız.
İleride daa çoq!