Bazarertesi künü, 24 iyünde Kiyevde Qırım Platforması Ekspert Ağınıñ eki künlük III Halqara Forumı başlana.
Forumnıñ maqsadı – Qırım, Qara deñiz ve Azaq deñizlerniñ işğali neticesinde ortağa çıqqan bir sürü meselelerni keñiş şekilde muzakere etmek. Tedbir eki kün devam etti. Birinci kün milliy seviyede meseleler ve tamır halqlar haqlarınıñ qoruması, ekinci künü ise halqara seviyede meseleler muzakere etildi.
Ayrıca da, 24 iyün saat 17.30 – 19.00 qadar ‘Rusiyeniñ Ukrainağa qarşı silãlı zulumı ve tamır halqlarnıñ barışıqqurma esnasına kirsetilmesi’ mevzuda munaqaşa keçirilecek.
Moderator:
Lüdmila Korotkih, QRM meneceri
Spikerler:
– Refat Çubarov, qırımtatar Milliy Meclis reisi
– Nepram Binalakşmi, tamır halqlar meseleleri boyunca uyken mesleatçı, AQŞ Barışıq İnstitutı, Tamır halqlar Global alyansı, cınıs adaleti ve barışıq (onlayn);
– Eskender Bariyev, QRM reisi, Qırımtatar Milliy meclis azası;
– Suleyman Mamutov, tamır halqlar meseleleri boyunca BMT(OON) Daimiy Forumnıñ azası;
– Oliver Loode, 2014-2016 ss tamır halqlar meseleleri boyunca BMT(OON), ‘Uralik’ CT reisi(onlayn);
– Yelena Arabacı, ‘Camaat’ karay milliy-medeniy cemiyetniñ reisi.
Munaqaşağa qoşulmağa davet etemiz.