Qırımtatar Resurs Merkezi qırımtatar milliy bayraq künü munasebeti ile iştimaiy ağlarda ‘Bayraq künü – Ukraina tamır halqı ile birdemlik künüdir’ furtuna kampaniyasını başlay.
Qırımtatar bayrağı – sol yuqarı köşesinde altın tamğası olğan kök tüste qumaçtır. Kök tüs temizlik ve serbestlik, aqiqat ve sadıqlıq, küç ve kemalat timsalidir. Tamğa ise imza, mühür manasını taşıp, hakimiyet timsali ola.
2014 senesi Rusiye Qırımnı işğal etken soñra qırımtatarlar öz ukraintaraflı mevamları sebebinden repressiyalar altında qaldılar. Yaqalama, tutuqlama, sorğular, öldürüv- bunlar hepisi tamır halqnıñ başına keldi. Böyle şartlarda qırımtatar bayrağı tek qırımtatarlar içün degil de, bütün Ukraina ve dünya içün Qırım oğrunda küreş timsali olıp qaldı.
Aktsıyamızğa qoşulıp, plakatlarnı darqatıñız ve öz Vatanları oğrunda küreşini devam etken qırımtatar halqına öz birdemligini numayış etiñiz. Bizni eşitsinler, dep #LIBERATECRIMEA heştegini qullanmağa unutmañız.
‘Bayraq künü – Ukraina tamır halqı ile birdemlik künüdir
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.