80 yıl evel, 1944 senesi 18 mayısta Sovet Birligi yolbaşçılarınıñ fermanı ile qırımtatarlar öz tarihiy vatanları- Qırımdan uzaq ğurbetlikke sürgün etilgen edi.
1956 senesine qadar devam etken komendant rejiminiñ deşetli şaraitleri – açlıq, epidemiyalar, repressiya, hapisler- neticesinde ekseriyetnen qartlar, qadınlar, balalardan ibaret qırımtatarlarnıñ büyük qısmı elãk oldı. Qırımtatar milliy areketniñ malümatarına köre, Qırımdan 238 500 adam sürgün etilse, ilk yılları bütün sürgün etilgenlerden 46,2% elãk oldı.
Yazıq ki öz vaqtında bütün dünya bu müşkül cinayetni keregi qadar tekbih etmedi. Cezasızlıq ise yañı cinayetke yol açtı. Şimdi rf bütün ukrain halqına qarşı genotsid kerçekleştirmekte.
Her kün kütleviy şekilde adam öldürilmeler, qaçırmalar, biñlernen adamnı zorbalıqnen rf topraqlarına köçürmeler- bular episi kerçegimizdir. Belli olğanı kibi, RF territoriyasına 1.9 milliondan ziyade ukrain köçürildi. Çetellerge ise 14 millondan ziyade ukrain köçti.
Rusiye hakimiyeti yıllar devamında Ukraina ve halqını yoq etmege tırışa:
– Golodomor 1921-1923, 1932-33, 1946-47 seneleri
– 1944 senesi qırımtatar halqınıñ sürgünligi
– 2014 senesi Qırım ve Donbass işğali
– 2022 senesi Ukrainağa qarşı cenk.
Hatırlatamız ki, qırımtatar sürgünligini genotsid olaraq Ukrainadan ğayrı tek 3 memleket tanıdı: Latviya, Litva ve Kanada. Bu devletlernen QRM taqımı sıq bağ ve işbirlikte buluna edi.
Ukraina Yuqarı Şurası sürgünlikni genotsid olaraq tanısa da, alã daha bu mesele boyunca mahkeme qararı yoq. Qabaatlılar bu künge qadar cezasız qaldılar. Bu cinayetniñ müddeti yoq. Adaletni tiklemege çağıramız!
Biz bunı toqtatmalımız!