Salı künü, 30 aprelde QRM reisi Eskender Bariyev ve QRM meneceri Tatyana Savçuk Vladimir Dal adına Şarqiyukrain milliy universitette kurator saatını keçirdiler.
Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev talebelerge 2014 senesi Qırım işğali, rusiye zulumına faal qarşılıq ve Ukraina tamır halqları haqqında tarif etti.
Bariyev QRM-niñ faaliyeti ve onıñ yönelişlerinde ayrıca toqtaldı:
qırımtatar halqınıñ kollektiv haqları ve Ukraina vatandaşlarınıñ şahsiy haqlarını temin etüv
Ukraina territoriyasında RF tarafından kerçekleştirilgen harbiy cinayetler ve insan haqlarınıñ bozuvlarını resmiy qayd etme ve közetme;
Ukraina qanun leyhalarını işlep çıqarma;
medeniy-maarif leyhalarnı destekleme;
Qırımnıñ sabit inkişafı unsurlarınıñ közetme ve talilini amelge keçirüv;
informatsıon- maarif faaliyet.
Tatyana Savçuk #LIBERATECRIMEA informatsıon kampaniyası misalinde Qırım deokkupatsıyasında informatsıon muqavemet rolü haqqında tafsilãtlı añlattı.
‘Şunı añlamaq kerek ki, cenktte informatsıon muqavemet – duşmanğa yañlış malümat bermekten ğayrı, kerçek bilgilerni darqatmaq, cemaatçılıq, halqara cemiyetniñ noqtainazarı içün faal küreş demektir. #LIBERATECRIMEA halqara informatsion kampaniya mufavaqiyetli informatsıon muqavemet misalidir’,- qayd etti o.
Savçuk bulunğanlarğa #LIBERATECRIMEA informatsıon kampaniyası çerçivesinde amelge keçirilgen ğayeller, informatıon malümat ve mahsullar: metin, plakat, video, rils, matbuat-konferentrsıyalar, kontsert, sergi, bord kampaniyalar ve il taqdim etti.
Kelecekte universitet ocaları ve studentlerinen birlikte çalışacağımızğa ümüt etemiz.