Devlet tili standartları boyunca milliy komissiya vaqtınca işğal etilgen Qırımda mesken yerlerniñ adlarını deñiştirmege teklif etti. Umumen cedvelde 255 ad belgilendi.
Bu aqta devlet tili standartları boyunca Milliy komissiyanıñ 231 qararında aytıla.
‘Devlet tili standartları boyunca milliy komissiya devlet tili standartlarına ve tevsiyelerge uymağan adları olğan köy, qasaba, şeherler cedvelini belgiledi,’- denile vesiqada.
İlãvege köre milliy komissiya Qırımda deñiştirilmesi lãyıq olğan 225 mesken yerniñ adını belgilendi. Ayrıca rusiye imperiya siyasetine ait olğan köy, qasaba, şeherlerniñ 185 adını deñişitrmege közde tutula.
Hatırlatamız ki, QRM Qırımnıñ derusifikatsıya, dekolonizatsiyasına ve yarımadada tarihiy toponimlerniñ qaytarılmasına doğrultılğan ‘Adlarnı qaytarmaq- Qırımnı qaytarmaq’ informatsıon kampaniyasını başlattı ve faal şekilde devam etmekte.
Ayrıca da QRM Ukrainanıñ yañartılması boyunca baş nazir muavini, Ukraina infrastruktura, territoriya ve cemiyetlerniñ inkişafı Naziri Oleksandr Kubrakovğa ve ‘UKRzaliznitsa’ idare başı Yevgeniy Lãşçenkoğa Qırımda demiryol stantsıyalarnıñ adlarını deñiştirmek ricasınen ve Ukraina suv resurslarınıñ Devlet agentligine ve Ukraina suv hocalığı ve meliorastıya Devlet agentligine Qırımdaki suv anbarlarınıñ adlarını qaytarmaq meselesinde destek ricasınen mektüpler yolladı. Mektüplerinde QRM öz adlarnı teklif ete.