Toponimika her vaqıt ideologik alet sayıla edi. Onı her bir imperiya qullana edi. Öz territoriyanı öz adlarınen belgilemek-öz hakimiyetini tasdiqlamaq demektir. RF da istisna olmadı. rf her yerde pekinip, yerli tarihiy toponimlerni yoq etmege ve rus adlarını qoymağa tırışa edi.
Ukraina, ayrıca da Qırımda kütleviy seviyede coğrafik adlar deñiştirildi. Sovet devri Ukraina tamır halqlarınen bağlı her şeyni yoq etmege ğayret etti, aynı şu areketlerni şimdi rf devam etmekte.
Bügünde bugün Qırımnıñ tarihiy toponimikasınıñ tiklenilmesi pek mühimdir.
QRM ekspertleri Qırımnıñ tarihiy adlarını deñiştirmek içün 10 printsipni işlep çıqardılar:
1. Ukraina ve halqara cemaatçılıqnıñ añında Qırım territoriyası ve narrativleriniñ(tariflerniñ) dekolonizatsıya, deimperiyalizatsıya ve dekomunizatsıyası;
2. Tarihiy adaletniñ tiklenilmesi ve Ukraina medeniy mirasınıñ qorulması;
3. Qırım haqqında aqiqiy tarihşınaslıqnıñ şekillendirme ve inkişaf ettirilmesi;
4. Qırımnıñ tarihiy ve turistik merağını arttırılması;
5. Ukraina tamır halqlar haqlarınıñ qorulması ve amelge keçirilmesi;
6. Ukraina imiciniñ halqara seviyede köterilmesi;
7. Qırımda qanun üstünliginiñ yañıdan tiklenilmesi;
8. Ukraina tamır halqlarnıñ Qırımnen bağınıñ saqlanılması;
9. Ukraina tamır halqlar tilleriniñ saqlanılması;
10.Qırımda pozitiv ukrainizatsıyanıñ kerçkeleştirilmesi.
Qırım toponimleriniñ dekolonizatsıyası kerçekleştirilsin!
Dostlar biznen razısızmı?
Kampaniya QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.