Qırımda iqtisadiyat ve turizmniñ inkişafı yarımdadanıñ gürleçmesine ve istiqrarına yardımcı ola bilir.
Böyle etip, infrastruktura leyhaları, şirkelterge destek, tabiat resurslarnıñ saqlanılması Qırım içün istiqrarlı ve celp etici kelecekni temin ete bilir.
Qırımnıñ kelecegini biz nasıl köremiz?:
- Qırım Ukrainanıñ bir qısmı olaraq, global munasebetler sistemasında emiyetli regiondır.
- Qırım- Ukrainanıñ cenübiy qapıları, Ukraina tamır halqlarnıñ vatanı, medeniyet ve dinlerniñ yol çatışması, eki deñiz, sıñırsız çöller, dağ-ormanlar ve misilsiz landşaftlarnıñ regionı, turistlerni celp etken meraqlı ve zengin tarih sahibi. Bu da yarımadanıñ çoq milletli ealisi içün komfortlı ve lãyıq yaşayış şaraitlerini temin ete.
- İqtisadiy saada agrosanayı kompleks, turizm, qayta işletici ve çıqarıcı sanayı , deñiz hocalıq kompleksi inkişaf ete;
- İçtimaiy saada diqqat merkezinde –insan ve hayatınıñ keyfiyeti.
- Ukrainada Qırım hocalıq kompleksi sanayı-agrar-naqliy-rekretasıon, kötere ve birer satuv imkãnları olğan çeşiti olaraq tasnif etile.
- Geosiyaset cehetinden Qırımnıñ esas zenginligi- Avropa ve Asiyanıñ ticaret komunikatsıyalarında elverişli vaziyetidir.( ‘Avropa-Asiya’ yolunda( Büyük ipek yolu misalinde) ve ‘Baltiya-Qara deñiz’);
- Yañıdan tikletici energiya menbaları inkişaf etile;
- Etno ve yeşil turizm inkişaf etile;
- Tamır halqlarnıñ adetiy hocalığı, ayrıca da çayır hocalığı, köy hocalığınıñ ekologik temiz mahsulları inkişaf etile.
Kerçekten, eñ-evelã yarımadanıñ özgünligi onıñ çoqmedeniyetli olğanındadır. Qırımda çeşit milletler yaşamaqta, olarnıñ arasında da Ukraina tamır halqları- qırımtatarlar, qaraylar ve qırımçaqlar. Olarnıñ özgün medeniyeti, ürf-adetleri, tilleri – turistlerni celp ete bilecek güzel bir unsurdır.
Tek Qırımda yer alğan çayır bağçacılığı kibi ananeviy hocalıq çeşitine ayrıca diqqat etmek pek emiyetli. AL-azırda, Qırım işğali ve yarımadada harbiy bazalar yerleştirilmesi sebebinden Qırım territoriyasında ormanlarğa yanaşılması sıñırlıdır, bu da qırımtatarlarnıñ çayır bağçacılığı kibi misilsiz, ananeviy hocalıq çeşitini saqlap qalması ve inkişaf etilmesine keder ete. Çayır ormanları- Qırımnıñ qadimiy tarihiy ananesidir. Böyle ormanlarnıñ asıl etilmesi- asırlar devamında insannıñ dağ ösümliklerine tesiriniñ neticesidir, yani tabiy usulnen sert şaraitlerge dayana bilecek ve insannıñ iştiragı olmadan, pıtav, suvaruv, ilãclamasız öse bilecek terek çeşitleri saylanıla edi. 1917 senesine qadar yarımadada 8000 gektar çayır ormanları mevcut edi, XXI asırnıñ başında ise tek 20 gektardan biraz ziyade saqlanıldı. Aluşta, Başçasaray, Qarasuvbazar ormancılıq territoriyalarında çayır bağçalarda Qandil –Sinap, Renet Şampan, Aq Rozmarinniñ 100-120 yıllıq tereklerni tapmaq mümkün.
Şundan da ğayrı, Qırım haqqında energiyanıñ yañartılğan menbalarınıñ inkişafı içün territoriya olaraq da laf yürsetmek kerektir. Küneş energiyası, yel energiyası kibi tabiat şaraitlerini közge alaraq, bayağı elverişli qarar ola bilir. Qırım energiya tertibatlar qoyulması içün kelişken bir region ola bilir, böyle etip, iqtisadiy sabitlik ve bu sahada zemaneviy tehnologiyalarnıñ inkişafına yol aça bilir.
Şundan da ğayrı, Qırımda yeşil turizm ve tedaviylegen muessiselerniñ inkişafı tabiatnı sevgen ve sağlığını tüşüngenlerniñ celp etilmesine yarar.