Adlarnıñ deñiştirilüvi halqnıñ menligini ve tarihını yoq etmek içün universal bir alettir. Öz vaqtında rusiye imperiyası ve sovetler hakimiyeti kibi, al-azırda rusiye de aynı aletni qullanmağa hiç saqınmay.
Qırım toponimlerniñ deñiştirilmesi üç basamaqtan keçti, amma eñ çoq ta 1944- 60-seneleri yüz berdi.
Böyle etip, Sovet Birligi Qırımda 1444 mesken yerniñ adlarını deñiştirdi. Coğrafik adlarnı da deñiştirmege çalışıldı. Her şey qırımtatar halqınıñ haqsız sürgünliginden başladı. Sovet hakimiyeti öz cinayetinden soñra qırımtatarlarnen bağlı her şeyni yoq etmege tırıştı.
Mesken yerlerden ğayrı, demiryol stantsıyalar, soqaq ve tarihiy-medeniy obyektlerge de yañı adlar berildi.
Rusiye işğalcıları bar küçünen tamır halqlarnıñ Qırımnen bağını üzmek ve kerçek tarihnı yañıdan yazıp, ‘Qırım daima rusiyege ait olğanı’nı isbatlamağa tırışa ediler.
Qırım toponimlerini yañıdan tiklemek kerekligi haqqında qonuşmaq, bu mevzunı halqara seviyede kötermek, medeniy devletler mezkür meseleni añlamalarını temin etmek ğayet emiyetlidir.
Qırım toponimlerniñ deñiştirilmesi- rusiye kolonial siyasetiniñ bir qısmıdır. Bütün imperiyalar böyle kibi aletni qullandı, demek mümkün, amma qullanmalarında da farq bar. Misal olaraq, Büyük Britaniya Amerikanı müstemlekege çevirgen soñ mesken yerlerge öz adlarını qoya edi, faqat tek yañı qurulğan yerler adlandırıla edi. Misal olaraq, Massaçusets ştatında Boston şeheri. Rusiye ise maqsad qoyıp, qırımtatar tamır halqınıñ vatanı- Qırımnen bağını qopartmağa tırışır eken, aqiqiy qırımtatar adlarını yañı rus ya da sahte yunan adlarına deñiştire edi.
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.