Qırımtatar Resurs Merkezi Qırmda tarihiy toponimiyanıñ tiklenilmesi ne qadar emiyetli olğanını defalarca bildirgen edi. Kerçekten, coğrafik adlarnı deñiştirüv siyaseti Ukrainanıñ özüne ve Ukraina tamır halqlarına büyük zarar ketirdi. Asılında ise Qırımda toponimiyanıñ yañıdan tiklenilmesi halqara cemaatçılıq içün de bayağı mühimdir.
Qayd etmege ister edik ki, toponimika her vaqıt ideologik alet sayıla edi. Onı her bir imperiya qullana edi. Öz territoriyanı öz adlarınen belgilemek-öz hakimiyetini tasdiqlamaq demektir. RF da istisna olmadı. rf her yerde pekinip, yerli tarihiy toponimlerni yoq etmege ve rus adlarını qoymağa tırışa edi.
Ukraina, ayrıca da Qırımda kütleviy seviyede coğrafik adlar deñiştirildi. Sovet devri Ukraina tamır halqlarınen bağlı her şeyni yoq etmege ğayret etti, aynı şu areketlerni şimdi rf devam etmekte.
Demek, halqara cemaatçılıq içün Qırımnıñ tarihiy adlarını qaytarmaq ne içün o qadar emiyetlidir?
- adaletlikni tiklemek ve mirasnı saqlamaq içün
- halqara huquq üstünligini tiklemek içün
- kolonizatsıya aqibetlerini aşmaq içün
- halqara cemaatçılıq Ukraina tamır halqlarnıñ mirasınen tanışması içün.
Qırımda toponimikanıñ tiklenilmesinden bahs etmek ve mezkür mevzunı halqara seviyede kötermek emiyetlidir. Misal olaraq, Litva, Latviya, Estoniya daha 1990 seneleri sovet hükümdarları ve sovet toponimlerden qurtulğan ediler.
Kampaniya ‘Tiklenüv’ halqara fondu ve destegi ile kerçekleştirile. Mezkür plakat ise QRM faalleri ve göñüllileri tarafından işlep çıqarıldı ve ukrain ressamı Andrey Yermolenkonıñ ustalığı ile öz sıfatına sahip oldı.