31 oktãbrden 5 noyabrge qadar QRM Ukrainada ‘Fridrih Naumannıñ serbestlik oğrunda fondu’ Temsilciliginiñ destegi ile II Strategik forumnı keçirgen edi.
Tedbirde 20 tecribeli ekspert iştirak etti. Olarnıñ arasında Ukraina akademik sahasınıñ temsilcileri, Qırım platforması Ekspert ağınıñ ekspertleri, cemaat erbapları, jurnalistler, alimler arasında doktor ve yuridik, coğrafiya, iqtisadiyat, siyaset, içtimaiy, tarihiy, pedagogika ilimler namzetleri bar edi.
Ekspertler forum devamında 2023 senesi Qırımnıñ reintegratsıyası boyunca Ukraina qanuncılıqnıñ inkişafını talil ettiler. Vaqtınca işğal etilgen Qırımnı işğalden azat etmek ve reintegratsıya Strategiyasınıñ amelge keçirilmesi boyunca ameller tertibiniñ taliline ayrıca diqqat ayırıldı.
‘Bir çoq ekspertlerniñ teklif ve izaatlarına köre esas qanunğa ilãve olğan qanunlarnıñ şekillenmesine keyfiyetli yanaşmasına merkeziy icra hakimiyet organlarınıñ diqqatını celp etmeli. Şu sebepten vesiqanıñ şekli, mündericesine dair umumiy teklifler işlep çıqarılğan edi. Şubesiz mezkür teklifler Ukraina Nazirler Kabineti tarafından qabul etilgen diger vesiqalarğa da aittir’,- qayd etti Eskender Bariyev.
Ayrıca , ekspertler mezkür planda qayd etilgen yönelişlerge dair merkeziy hakimiyet organları, Qırım Platformasınıñ iştirakçileri olğan devlet elçilikleri içün bir sıra teklif hazırladı. Yaqın zamanda teklifler taqdim olunır.
Şunı qayd etmeli ki, ekspertler vesiqalarnı talil etkende Qırım reintegratsıya modellerini eki yöneliş boyunca qurdılar:
- rf ‘merhamet kösterip’, infrastrukturanı bozmadan, 5 kolonanı qaldırıp, Qırımdan ketkeninde
- rf Qırımdan ketkende her şeyni yoq etkeninde.
Tedbir teşkilãtçıları ve iştirakçileri ‘Qırım istiqbali’ advokatsıon-informatsıon kampaniyasınıñ işlep çıqarılmasına ayrıca diqqat ayırdılar.
Çalışmağa devam etemiz!