‘Qırım platforması’nıñ II Parlament sammitiniñ iştirakçileri Ukrainağa qol tutıp, rezolütsıya qabul ettiler ve kelecekte RF qarşı sanktsıyalarnı arttırmağa niyetlengenlerini bildirdiler.
QRM-niñ elinde bulunğan ve tedbirlerniñ soñunda qabul etilgen vesiqada iştrakçiler Ukraina territorial bütünliginiñ tiklenilmesi, şu cümleden Qırımnıñ işğalden azat etilmesi boyunca öz mevamlarını qayd ettiler.
Şundan da ğayrı, Qırım platforması sammit iştirakçileri olğan ülkelerniñ temsilcileri RF qarşı sanktsıyalarnı arttırmağa planlaştıralar.
Hatırlatamız ki, 23-24 oktãbr künleri Pragada ‘Qırım platforması’nıñ II Parlament sammiti keçirildi. Tedbirge dünyanıñ çeşit ülkelerinden 70-ke yaqın delegatsıya qoşuldı. QRM reisi, qırımtatar Milliy Meclis azası Eskender Bariyev de sammitte iştirak etip, işğal etilgen Qırımda insan haqlarınıñ bozulması haqqında tarif etti ve yarımadanen bağlı meselelerni çezmek içün çarelerni teklif etti.