Qırımtatar Resurs Merkezi ENGAGE ortağı ile Qırım toponimiyasınıñ dekolonizatsıyasında ukrain biznesiniñ iştiragi boyunca strategiyanı işlep çıqarmaqta.
Hatırlatamız ki, QRM ‘Adlarnı qaytarmaq- Qırımnı qaytarmaqtır’ adlı informatsıon kampaniyasını devam ete. Mezkür kampaniya Qırımnıñ mesken yerleri, demiryol stantsıyaları, suv anbarlarınıñ adlarını qaytarılmasına doğrultılğandır.
QRM Qırımnıñ tarihiy toponimiyasını qaytarmaq ne qadar emiyetli olğanını defalarca qayd etken edi. Kerçekten, çeşit coğrafik adlarnıñ deñiştirme siyaseti Ukraina tamır halqlarına ve Ukrainanıñ özüne büyük zarar ketirdi.
İşğalcılar bar küçünen Ukraina tamır halqlarınıñ yarımada ile bağını silmege, aqiqiy tarihnı yañıdan yazmağa ve ‘Qırım her vaqıt rusiyeniñ’ olğanı tasdiq etmege tırışmaqtalar.
Bugünde bugün Qırım tarihiy toponimiyasını tiklemek umumiy ğalebemiz içün soñ derece emiyetlidir.
İşbirligimizniñ neticelerinen eñ yaqın zamanlarda QRM resurslarında tanıştıracaqmız.