Cumaaqşamı künü, 19 oktãbrde qırımtatar Milliy Meclisi Türkiyeniñ yañı elçisi Mustafa Bilgennen körüşti.
Körüşüvde qırımtatar halqınıñ lideri Mustafa Cemilev ve Meclis azaları, ayrıca da QRM reisi Eskender Bariyev iştirak ettiler.
Körüşüv devamında iştirakçiler işbirlik yollarını ve ‘işançlı ve havfsız istiqbal’ içün yapılacaq adımlarnı muzakere ettiler.
Mustafa bey Bilgen qayd etkeni kibi, Türkiyeniñ Ukraina ile munasebetlerinde qırımtatarlar köpür vazifesindeler.
‘Keçmişte de öyle edi, kelecekte de olacaq. Biz biri-birimizni yahşı añlaymız ve regionnen bağlı meselelerni muzake etkende daha yahşı ögrenemiz. Şunıñ içün munasebetlerimizde birlik emiyetlidir. Niyetlerimiz kerçekleşir, degen ümüttemiz, inşallah’.
Ukrainada Türkiyeniñ yañı elçisinen körüşkende Eskender Bariyev eñ- evelã qırımtatar Milliy Meclisiniñ huquqiy statusı Ukraina Nazirler kabineti tarafından belgilenme esnasında olğanı, Ukraina tamır halqları haqqında qanunnıñ amelge keçirilmesini ve bugünde bugün Ukrainada dekolonizatsıya qanunı qabul etilgeni ve Qırım toponimleriniñ dekolonizatsıyasına doğrultılğan iş faal şekilde alıp barılğanını bildirdi.
‘Bular ukrain devletiniñ öz tamır halqına dair mühim mizacı ve türk halqına da ukrain devleti öz tamır halqına diqqat ayırğanı haqqında mühim mizacıdır’, – qayd etti o.