2023 senesi 23-24 oktãbr künleri Pragada ‘Qırım platforması’nıñ Parlament sammiti keçirilecek. Tedbirge dünyanıñ çeşit ülkelerinden 40 iştirakçi qoşulacaq.
Forumda yarımada sakinleriniñ insan haqlarına işğal nasıl tesir etkeni, global erzaq havfsızlığı ve halqara añlaşmalarına riayet etüv kibi mevzular baqılacaq.
Ayrıca, ‘Qırım platforması’nıñ Parlament sammitinde Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev iştirak etecek.
Hatırlatamız ki, QRM ekspertleri ekspert ağınıñ eki iş gruppasınıñ faal iştirakçileridir: ‘Tamır halqlarnıñ haqlarını tiklenilmesi- Qırım deokkupatsıyasınıñ aleti olaraq’, ‘İqtisadiyat ve ekologiya’.
‘Qırım platforması’nıñ işi mahsuldar olur degen ümüttemiz. Taqımımız Qırımnı işğalden qurtarmaq oğrunda hem milliy, hem de haqlara seviyede amellerde faal iştirak etmege devam etecek.
Haberlerimizni taqip etiñiz.