Qırım haritasını közden keçire ekenmiz, yarımadanıñ mesken yerleriniñ şekillenmesinde yunanlar büyük rol oynağanı kibi körüne. Ebet, Sevastopol, Simferopol kibi adlarda ‘pol’ yalğaması yunan tilinde ‘şeher’ manasını taşıy.
Faqat, asılında, ‘yunan’ adlarnıñ büyük qısmı yunanlarnen alãqası bile yoq.
Bugün Sevastopol, yani Aqyar haqqında laf eteyik. Mezkür adnı II Yekaterina ‘yunan leyhası’ çerçivesinde 1784 senesi tüşünip çıqardı.
Böyle etip, Aqyar şeheri Sevastopol oldı (‘imperator şeheri’). Asılında qadimiy devirde zemaneviy Suhumi şeheri Sebastopolis adını taşıy edi. Andan da alındı.
İşte eski adlarımıznı qaytarmaq kerekmi? Ya da rusiyeliler tarafından uydurılğan adlarnı qullanmağa devam eteyik?
#деколонизация_топонимии_Крыма
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.