2023 senesiniñ 9 ayı içerisinde 40 kere cöreme hükmü çıqarıldı, olardan 10- qırımtatarlarğa nisbeten. Aynı müddet içinde 2022 senesi 35 cöreme, 2021 senesi ise 55 cöreme qayd etildi. Bu aqta QRM-niñ insan haqları bozuvlarınıñ talilinde bildirile.
QRM-niñ malümatlarına köre cöremelerniñ umumiy miqdarı 1 103 500 rubleni teşkil ete.
Cöremelerniñ büyük qısmı ‘rf silãlı küçlerniñ diskreditatsıyası’ içün çıqarıldı.
Hatırlatamız ki, Qırımtatar Resurs Merkezi 2023 senesiniñ 8 ayı devamında işğal etilgen Qırımda insan haqlarınıñ bozuluv talilini taqdim etti. Teşkilãtnıñ bildirgenlerine köre mezkür müddet içinde 57 tintüv, 154 tutuqlama, 165 sorğu qayd etildi. 2023 senesi 9 ay devamında 182 kere hapiske alındı. Fizik ve ruhiy sağlıqnıñ yüksek seviyesine yetmek haqqı 40 defa bozuldı. Daha tafsilãtlı malümatnı esabatımızdan ögrenmek mümkün.