QRM Ukraina Havfsızlıq Hızmetiniñ muracaatına binaen işğal etilgen Qırımda Z-faşizm tarafdarları haqqında, maşınalarında ‘Z’ ve ‘V’ ariflerini yerleştirgenler haqqında bilgi yolladı.
Hatırlatamız ki, 2022 senesi aprel ayında QRM öz maşınalarına ‘Z’ve ‘V’ ariflerini yapıştırğan ve böyle etip, faşizmge qol tutaraq, insaniyetlikke qarşı cinayetlerniñ ortaqları olğanlar haqqında malümat toplamağa başladı.
Belli olğanı kibi, ‘Z’ ve ‘V’ arifleri- 2022 senesi Rusiyeniñ Ukrainağa qarşı cenkniñ temsilleridir. Aynı bu işaretler altında rusiye ordusı insaniyetlikke qarşı cinayetlerni yapa edi ve yapmaqta: ukrain halqınıñ genotsıdı, qabaatsız adamlarnıñ öldürüvleri, qadınlarğa qarşı şiddet, balalarnı qaçırmalar ve diger harbiy cinayetler.
Mezkür temsiller Ukraina ve bir sıra diger ülkelerde yasaqtır: Almaniya, Latviya, Çehiya, Moldaviya, Litva, Latviya. Qazahıstan ve Qırğızıstan naqliyat ve cemaat yerlerinde ‘Z’ timsalini yasaq ettiler.
Al-azırda QRM tarafından Qırım territoriyasında rusiye rejimini teşviqat etken ve Ukrainağa qarşı cenkine qoltutqan 296 adam belgilendi. Mezkür cedvel UHH teslim etildi.