Dostlar, derclerimizge yazılğan izaatlardan şunı añlamaq mümkün ki, tamır halqlar ve milliy azlıqlar arasındaki farqını bilmegenler az degil.
Keliñiz añlamağa tırışayıq, tamır halq olmaq içün bir etnik gruppa nasıl alãmetlerge sahip olmalı.
4 dört esas kriteriy mevcut:
– etnik gruppanıñ öz devleti yoq;
– etnik gruppa özüni tamır halq olaraq tanıy ve menligini saqlamağa tırışa;
– avtohton etnik gruppa yaşağan territoriyasınen tarih ve medeniy tamırlarınen sıq bağlı;
– avtohton etnik gruppa ealisi içinde etnik azlıqnı teşkil ete.
Yuqarıdakilerni közde tutaraq, şöyle hulãsa çıqarmaq mümkün ki, misal olaraq lehler, rumınlar, yunanlar Ukrainada tamır halqlar olamazlar, çünki öz devletlerine sahipler.
Endi ise ‘Ukraina tamır halqlar haqqında’ Ukraina qanunına muracaat eteyik. Qanunda devletimizniñ tamır halqları açıq-aydın añılğan- qırımtatar, qaray, qırımçaqlar. Aynı bu halqla Qırım yarımadasınıñ territoriyasında şekillenir ekenler, olarnıñ Qırımdan ğayrı hiç bir Vatanları yoq.
Mezkür qanunğa rus memurları, ayrıca rf prezidenti Vladimir Putinniñ qarşılığı da bayağı meraqlı oldı. O şöyle dedi: ‘…Ruslar Ukrainanıñ tamır halqı olmağanını aytmaq külgünçli ve mantıqsız olmaqnen beraber, tarihke hiç uymağan bir şey’.
Ruslar özlerini UKraina tamır halqı olaraq tanısalar, aysa Rusiye olarnıñ devleti olğanı şübhe altında qala.