Bazarertesi künü, 18 sentãbrde Gaagada Halqara BMT(OON) mahkemesinde Ukrainanıñ rusiyege qarşı genotsıd haqqında iddiaları boyunca dava baqılmaları başlana.
Mahkeme saytında haber etilgeni kibi, dava 27 sentãbrge qadar baqılacaq. 18 ve 25 sentãbr künleri rf temsilcileri, 19 ve 27 sentãbrde ise Ukraina temsilcileri çıqışta bulunacaqlar.
Ukrainanı ÇİN hususiy vazifeler boyunca elçi – Anton Korineviçniñ rehberliginde vekiller temsil etecek, Rusiyeni ise aynı vazifede bulunğan Gennadiy Küzmin.
Hatırlatamız ki, Ukraina mezkür iddianı 2022 senesi 26 fevral künü teslim etken edi, soñra da daha 33 devlet böyle kibi iddialarda bulundı.
Rusiye hakimiyeti yıllar devamında Ukraina ve onıñ halqını yoq etmege tırışa:
– 1921-1923, 1932-33, 1946-1947 seneleri Golodomor
– 1944 senesi qırımtatar halqınıñ sürgün etilmesi
– 2014 senesi Qırım ve Donbass işğali
– 2022 senesi Ukrainağa qarşı cenk
Yazıq ki, öz vaqtında dünya Sovet Birliginiñ deşetli cinayetlerini takbih etmedi. Cezasızlıq ise yañı cinayetlerge yol berdi. Al-azırda rf bütün ukrain halqına qarşı genotsıd kerçekleştirmekte.
Biz cinayetlerni toqtatmalımız!