Ukraina Nazirler Kabineti qırımtatar tiliniñ latin hurufatı esasında imlãsını işlep çıqarılmasına dair qararnı qabul etti.
Qayd etilgenine köre, yañı imlãnıñ işlep çıqarılmasını Ukraina A.A.Potebnã adında tilşınaslıq İnstitutı, T.Şevçenko adında Kiyev milliy universiteti ve qırımtatar Milliy Meclisniñ iştiraginen etnosiyaset ve vicdan serbestligi boyunca devlet Hızmeti, MONğa avale etildi.
QRM taqımı tamır qırımtatar halqınıñ tilini saqlamaq içün elinden kelgenini yapıp turmaqta. Saytımız qırımtatar tilinde de çalışa.
Bu kibi faaliyetimiz ayrıca tamır halqlar tilleriniñ 10-yıllığında, hem de YUNESKO tarafından qırımtatar tili yoq olmaq havfı altında bılunğan tiller cedveline kirsetilgenini köz ögüne alsaq, ayrıca qıymetke malik ola.
2019 senesi QRM qırımtatar tiline insan haqları Deklaratsıyasını tercime etip, onı OON resmiy saytında yerleştirdi. 2021 senesi ise insan haqları Avropa Konventsıyası da qırımtatar tiline tercime etildi. Şundan da ğayrı, Qırım ve qırımtatarlarnen bağlı ukrian qanunlarını da qırımtatar tiline tercime etmege niyetimiz bar.
Şundan da ğayrı, QRM Qırımda tarihiy adlarnıñ qaytarılmasına dair ‘Adlar qaytarmaq – Qırımnı qaytarmaq demektir’ adlı informatsıon kampaniya keçirilmekte ki, o da qırımtatar tiliniñ saqlanılmasına yardımcı ola.