Bazarertesi künü 17 iyülde Qırım köpürinde patlavlar yüz berdi. Neticede köpürniñ bir tarafındaki qısmı yıqıldı. Al-azırda naqliyat areketi bütünley yasaq etildi.
İşğal etilgen Qırımnıñ ‘başı’ Sergey Aksönov Krasnodar tarafında ‘fevqulade vaqia’ yüz bergenini bildirdi.
‘Olıp keçken vaqiadan dolayı, yarımada sakinlerini Qırım köpürinden keçmeden vazgeçmege ve havfsızlığıñız içün diger yollarnı saylamağa rica etem’,- dedi Aksönov.
‘Patlav belli olmağan silãdan qaynaqlandı. GUR temsilcisi tefsir bermeyip, GUR yolbaşçısınıñ sözlerini tekrarladı: ‘Qırım köprü – kerek olmağan bir inşaadır’. Köpürniñ bir taraftaki qısmı yıqılğanı, digeri de zarar körgeni belli. Demiryol da zarar körgeni haqqında qatiyen bir haber olmasa da, o da zarar körgeni tahmin etile.