Cumaaqşamı künü, 13 iyülde, QRM Ukrain krizis merkezinde 2023 senesi 1 yarımyıllığında işğal etilgen Qırımda insan haqları bozuvlarnıñ talilini taqdim etecek. Şundan da ğayrı, QRM Herson ve Zaporojye vilãyetlerinde insan haqları bozuvlarınıñ talili taqdim etilecek.
Spikerler:
Eskender Bariyev – Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı;
Tatyana Podvornãk – QRM kommunikatsıya meneceri;
Vladimir Lãşenko – advokat, QRM yuristi;
Boris Babin – QRM eksperti, yuridik ilimler doktorı;
Matbuat konferentsıyasında Qırımnıñ işğalcı hakimiyetiniñ qanunğa ters areketleri, insannıñ hayat, havfsızlıq, şahsiy toqunmamazlıq (tintüv, yaqalama, hapis, ve il.) haqlarınıñ bozuvları, esas serbestlikler( adaletli mahkeme haqqı, fizik ve ruhiy sağlığınıñ eñ yüksek seviyesine haq ve digerleri) bozuvlarınıñ talili taqdim etilecek. Şundan da ğayrı, spikerler Herson ve Zaporojye vilãyetlerinde insan haqları bozuvlarınıñ talilini taqdim etecekler.
Tedbir devamında sualleriñizge cevap tapa bilesiz.
Tedbirni QRM-niñ Facebook sahifesinde seyir etmege mümkün olacaq: https://www.facebook.com/ctrcenter
Bağlanmaq içün : [email protected], 067343 7454