Küneş, lezetli aşlar, eglenceler, yañı tanışuvlarnen bir sırada meraqlı lektsıyalar ve taze bilgiler! Qırımtatar Resurs Merkezi Ukrainada ‘Fridrih Naumannıñ Azatlıq oğrunda fondu’ Temsilciliginiñ destegi ile ‘Serbestlik lageri’ne iştirakçilerni davet ete. Lager Zakarpatyede 23-29 avgust künleri keçirilecek.
Liberal degerlikler mevzusınen meraqlanasıñmı? Kommunikativ, informatsıon savaş, vizual til ve dizayn, imic hususiyetleri, Ukraina tamır halqları, halqara aktsıyalarnıñ keçirilmesi, #LIBERATECRIMEA areketi haqqında daha çoq bilmege isteysiñmi? Öyle olsa anketamızni toldur!
Qayd oluv müddeti: 2023 senesi 23 iyül.
Kim iştirak ete bilir: 18-50 yaşına qadar faal cemaatçılar, liderler ve cemaat teşkilãtlarınıñ temsilcileri, studentler.
İştirakçilerni saylav neticeleri 2023 senesi 25 iyülge qadar ilãn etilmeli.
Halqara yaz liberal lageri Ukrainanıñ dülber köşelerinden biri -Zakarpatyede olıp keçecek (Turya Paseka köyü, ‘Voyevodino’ musafirhanesi). Bu acayip yerde çeşit millet, medeniyet ve anyaneler birleşkendir. Zakarpatye öz zengin tarihı, muhteşem tabiatı, yüksek dağlar ve musafirperverliginen meftün etecegine eminmiz.
Faydalı bilgilerge sahip çıqmaqnen birlikte keyfiyetli rahatlanmaq içün güzel bir imkãndır. Lager devamında derslerden ğayrı, çeşit oyun, kezinti, tedbirlerde iştirak etecekmiz. Yañı bilgilerden ğayrı, yañı tanışuv, duyğu, kerçek dostlarğa sahip çıqa bilesiz.
Teşkilãtcılar aş, mekãn, Ujgorod – Turya Paseka- Ujgorod yol masraflarını özlerine alalar. Faqat Ujgorodğace yolnı iştirakçiler özleri tölemeliler.
Musafirhanelerde eki yerli odalarda yerleştirilecek. Lager programmasınıñ büyük qısmı açıq avada kompleksniñ açıq territoriyasında kerçekleştirilicek.
Qoşma malümatnı nevbetteki telefon boyunca almaq mümkün:
‘Serbestlik lageri’ QRM tarafından Ukrainada ‘Fridrih Naumannıñ Azatlıq oğrunda fondu’ Temsilciliginiñ destegi ile teşkil oluna.