Qırımtatar Resurs Merkezi öz faaliyetini 8 yıldan berli devam etmekte. Bu devir içinde yerli, milliy, halqara seviyede bir çoq iş yapıldı. Bütün küçlerimizni Qırımnıñ işğalden qurtarılması, reintegratsıya ve inkişafı, hem de Ukraina territoriyalarnıñ bütünligini saqlaması oğrunda doğrultamız. Şundan da ğayrı, kommunikatsıya, saytımız ve içtimaiy ağlarımıznıñ inkişafı içün çalışmaqtamız. Temsil resimimizni deñiştirgenimiz haqqında memnüniyetnen haber etemiz.
Aslında böyle qararlar qolay alınmaz, amma biz zamanğa uymaq ve hep yañartılmaq, yahşı tarafqa deñişmege isteymiz. Yañı temsil resimimiz daha parlaq, özgün ve mantıqlı oldı. O, teşkilãtımıznıñ yıllarnen şekillengen sabitligi, eminligini urğulay.
Haberlerimizni saytımızda ve içtimaiy ağlarda taqip etiñiz:
Sayt: https://www.ctrcenter.org/uk
İnstagram: https://www.instagram.com/ctrc_center/
Telegramm: https://t.me/ctrcenter
Tvitter: @ctrcenter