3-7 mart künleri Qırımtatar Resurs Merkezi Ukrainada ‘Serbestlik oğrunda Naumann Fridrih Fondu’ Temsilciliniñ destegi ile ‘Qırımnıñ kelecegi’ adlı Strategik forumnı keçirdi.
Tedbirde huquq, ekologiya, siyaset, tasil, iqtisadiyat ve maliye, içtimaiy ve gumanitar siyaset, devlet idaresi ve memuriyet, jurnalistika, havfsızlıq sahasında 20 tecribeli ekspert iştirak etti.
Bu ekspertler Qırım meselerinen meraqlanğanlarınen bir sırada yarımadada özleri yaşap, eali, iqtisadiyat, siyasiy esnaslarnıñ hususiyetlerinen doğrudan-doğru tanışlar, Qırım ealisi arasında tanılğan ve daha işğalden evel mezkür mevzuda çalışqan zatlardır.
İş çerçivesnde ekspertler Qırım deokkupatsıyası ve reintegratsıyası esnasında nevbetteki yönelişlerini belgilediler: hakimiyet, cinaiy siyaset, vatandaşlıq ve hicretlik, vatandaşlıq siyaseti, içtimaiy-gumanitar siyaset, informatsıon siyaset, ekologik havfsızlıq, maliye siyaseti, halqara siyaset, adalet siyaseti ve qabarcılıqqa qarşı siyaset.
‘Qırımnıñ kelecegi’ Strategik forumnıñ ekspertleri tamır halqlarnıñ kütleviy haqlarını esapqa alaraq, tevsiyelerni işlep çıqardılar ve olar martnıñ ekinci yarısında Ukraina Prezidenti ve Ukraina hakimiyetiniñ diger organlarına yollanılacaq.
Şundan da ğayrı, ukrain cemaatçılıqnı haberdar etmek maqsadınen taqdimler keçirilecek.
