9 dekabr künü, OON Baş assambleyası işğal etilgen Qırımda insan haqları boyunca quvetleştiriligen rezolütsıyanı qabul etti. Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev ‘Qırım.Aqiqat’ portaıla intervyu bergende, mezkür vesiqa halqara cemaatçılıq tarafından Rusiyege daha bir ‘tepme’ olğanını qayd etti.
‘Vesiqağa rey bergen ülkeler ‘Qırım platforması’nda iştirak etmekteler, yani olar Rusiyege qarşılıqnı tek sözlernen degil de, areketlerinen de bildireler. Qabul olunğan rezolütsıya Qırım Rusiye tabiyliginde qalğanınen kimse razı olmağanını, unutmağanını, rahat ve pervasız olmağanını tasdiq etmekte’,- dedi o.
Hatırlatamız ki, mezkür rezolütsıyada Qırım platformasına körümli destek bulunmaqta, o, RF-nı yarımadağa arbiy küçlerni toplamasını toqtatmaq, Qara ve Azaq deñizde yaldamaq serbestligini bozmamağa çağıra.