On Tuesday, January 25, the Crimean Tatar Resource Center presented an analysis of human rights violations in the occupied Crimea for 2021. According to the organization, during the reporting period, the Russian security forces conducted 53 searches, 366 detentions and 366 interrogations, interviews and conversations. The total number of arrests for the reporting period is 210. Most of the violations by the occupiers fall on representatives of the indigenous Crimean Tatar people. This practice has become systemic in the peninsula.
Matbuat-konferentsıyada qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, QRM kommunikatsıya meneceri Tatyana Podvornãk ve ‘Qırım birdemligi’ cemaat birleşmesiniñ koordinatorı Server Çolaçık iştirak ettiler.
Teşkilãt bergen malümatlarğa köre, 2021 senesi işğal etilgen Qırımda 53 tintüv, olardan 33-ü qırımtatarlarnıñ evlerinde keçirildi. Keçken sene de aynı miqdarda tintüv keçirilgen edi. (53) Yarımadada işğal vaqtından başlap siyasiy ve diniy sebeplerden dolayı taqipler devam etmekte.
‘Tüntüv keçirilgen vaqıtta silãhlı küçler insan haqlarını bozalar. Ayrıca, evler içine kirgende mal-mülk bozuvları, ev sahibi olmadan tintüv keçirilmesi, gizliden yasaq edebiyat kirsetilmesi yüz bermekte’,- añlattı Eskender Bariyev.
Mezkür devir içinde 366 tutuqlama, olardan 330-qırımtatarlarğa nisbeten qayd etildi. 2020 senesi 264 tutuqlama yüz bergen edi.
‘ İşbu kategoriyada bu qadar haq bozuvı yüz bergeni şunen bağlıdır ki, işğlacılar mahkeme binaları, hapishaneler yanında toplaşqan faal cemaatçılarnı kütleviy şekilde yaqalaylar’,- qayd etti QRM reisi.
Krivoy Rog sakini Vladislav Yesipenko, qırımtatarlar Asan ve Aziz Ahtemovlar, Nariman Ametov, Kurtumer Çalgozovnıñ tutuqlanması ayrıca qayd etildi. Olar işkencelerge oğratıldı.
Tatyana Podvornãk qayd etkeni kibi, Qırımda mezkür devir içinde 210 tutuqlama yüz berdi, olardan 167-qırımtatarlarğa nisbeten. 210 tutuqlamadan: 28-mahkeme hükmü, 40- memuriy davalar, 25-yañı tutuqlama, 118- müddetlerniñ uzatılması. Keçken sene 197 tutuqlama yüz bergen edi.
Adaletli mahkeme haqqı – 478 kere, olardan 393 defa qırımtatarlarğa nisbeten bozuldı. Keçken senege baqqanda daha çoqtır.
Kommunikatsıya meneceri daha qayd etkenine köre, fizik ve ruhiy sağlığınıñ eñ yüksek seviyesine yetmek haqqı 135 kere bozuldı, olardan 96 defa qırımtatarlarğa nisbeten. Keçken sene 112 bozuv yüz bergen edi.
Teşkilãt haber etkeni kibi, 2021 senesi Qırım siyasiy mahbüslerini 37 kere başqa yerge alıp kettiler, olardan 35 qırımtatarnı.
Teşkilãt saytından da oqulması mümkün esabatta yarımadada diniy, ekologik, hapishanelerde ağır şaraitler, mahbüslerniñ haqları bozulğanı, qadınlarnıñ haqları bozulğanı, Qırımda qanunsız arbiy talimler keçirilgeni haqqında tafsilãtlı malümat buluna.
Server Çolaçık 2021 senesi insan haqları bozuvlarınıñ tendentsıyası haqqında añlattı. O, mahkemelerde qırımtatarlarğa nisbeten qabaatlavlar gizli şaatlarnıñ malümatları esasında çıqarılğanını bildirdi. Onıñ aytqanına köre, faal cemaatçılar başqalarını çaqmağa istemeseler, olarğa nisbeten işkenceler kösterile. Bu yerde Nariman Ametov ve Kurtumer Çalgozovnı misal olaraq ketirmek mümkün.
‘Hakimiyet zorbalıqsız küreşni bastırmağa tırışa. 3 ay devamında 6 kere kütleviy tutuqlamalar yüz berdi. 180 yaqın memuriy protokollar açıldı. Olardan 17 grajdan jurnalisti tutuqlanılğanı belli. Böyle etip, hakimiyet vaqialarnı ne tarzda açıqlamağa tüşüngeni añlaşıla. Bilinmegen, aşikãr olmağan cinayetler cezasız qala’,- qoştı o.