The defendant in the so-called second Simferopol Hizb ut-Tahrir case, Servet Gaziev, had his beard forcibly shaved off: one of the law enforcement officers stood on his back, and two others wrung his hands. This was reported by the Crimean Solidarity public association.
‘Server Gaziyev bildirgeni kibi, onı 19 tuberkulöz vilãyetara hastahanesiniñ psihonevrologik bölügine yerleştirdiler. Anda o, ruh hastalarınen aynı kamerada bulundı. 19 sentãbr künü olarnı kameradan saylavlarda iştirak etmek içün çıqardılar. Servet Gaziyev hadimlerge Ukraina vatandaşı olğanı içün ve diniy nazarından dolayı saylavlarda iştirak etmeycegini bildirdi’,- denile haberde.
Ondan soñ onı azbarğa çıqardılar, etrafta turğan hadimler oña qarşı küfür sözler aytıp, diniy duyğularını ıncıtmağa başladılar. Bir qaç künden soñra kamerasına SİZOnıñ dört hadimi kirip, zoraki saqalını tıraş ettiler. Huquqqoruyıcılardan biri arqasına turdı, ekisi qollarını burdı, dörtüncisi de saqalını qısqarttı.
Hatırlatamız ki, eki yıl evel, 2019 senesi martnıñ 27-sinde, rusiye silãhlı küçler işğal etilgen Qırımda qırımtatarlarnıñ 26 evinde tintüvler keçirdiler. Bazı cemaatçılarnıñ evinden silãhlı küçler özleri gizliden qaldırğan edebiyat tapıp çıqardılar. Kitaplardan ğayrı adamlarnıñ telefonları, bilgisayar, pasportları alına edi. Silãhlılar özlerini qaba alıp bara, yaqalanğanlarğa qarşı fizik küçüni işlete, evlerge ayaqqapnen kire, advokatlarnı yibermey ediler. Neticede 20 adam yaqalandı, olarnı Rusiyede yasaq etilgen ‘Hizb ut- Tahrir’ teşkilãtında iştirak etkenlerinde qabaatlaylar. Martnıñ 28-inde daha 3 qırımtatarı yaqalandı. 27-28 mart künleri işğalcı mahkeme 23 yaqalanğan cemaatçını hapiske aldı ve ileride hepisiniñ hapis müddeti uzatıldı.