On Thursday, September 23, representatives of the Crimean Tatar Resource Center met with the Ambassador of Lithuania to Ukraine Valdemaras Sarapinas, during which they discussed the possibility of introducing personal sanctions against 50 persons responsible for human rights violations in the occupied Crimea.
Körüşüvde Ukrainada Litva Elçisi Valdemaras Sarapinas, Elçiliginiñ Mesleatçısı Gedrius Granitskas, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev , QRM menecerleri Zarema Bariyeva ve Lüdmila Korotkih iştirak ettiler.
QRM temsilcileri elçilerge işğal etilgen Qırımda insan haqlarınıñ bozulmasınen bağlı vaziyet, siyasiy mahbüsler, işğal devamında ğayıp ve elãk olğanlar haqqında malümat berdiler.
QRM reisi Eskender Bariyev işğalcı hakimiyet ile işbirlik yapqan şahıslarğa nisbeten şahsiy sanktsıyalar kirsetilmesiniñ kerekligine qıymet kesüv usuliyeti haqqında hikãye etti ve mezkür usuliyet ukraina devlet organları ve halqara işdeşler içün sanktsıon siyasetiniñ muhim aleti ola bilecegini qayd etti.
‘Bu künge qadar AB-niñ Qırımğa nisbeten sanktsıyaları işğal etigen yarımadada insan haqlarınıñ bozulmasına degil de, ukrain suvereniteti ve territorial bütünliginiñ bozulmasına alãqası olğanlarğa qarşı qullanılmaqta. Demek ki, hakim, tetqiqçi, prokuror, FSB hadimleri ve silãhlı küçler strukturalarınıñ temsilcileri cezasız qalmaqtalar’,- qayd etti Bariyev.
Şunıñ içün QRM ekspertleri işğal etilgen Qırımda insan haqlarını bozğan 166 adamdan ibaret cedvelni işlep çıqardılar. Şundan da ğayrı, siyasiy mahkümleri ve olarnıñ tuvğanları ve faallileriniñ taqibine ait olğan şahıslarnıñ tasnifi taqdim etildi.
1. FSB hadimleri
2.MVD hadimleri
3. prokuratura hadimleri
4. hakimler
5. mahkeme kãtipleri
6.ekspertler/ekimler
7. FSİN hadimleri
8. tayinlengen advokatlar
9. diger vazifeli şahıslar(MÇS, nazirlik ve il.)
QRM taqımı elçilikke Qrımda insan haqlarınıñ bozuluvına alãqası olğan 50 adamdan ibaret cedvellerni berip, olarğa qarşı sanktsıyalar kirsetmege çağırdı.
Tasnif ‘Vozrojdeniye’ (‘Tiklenüv’) halqara fondunıñ destegi ile yapıldı. Fikir, hulãsa, tevsiyeler tasnif muelliflerine aittir ve Vozrojdeniye HF-nıñ noqta-i nazarını aks etmey bile. Münderice içün tek QRM mesuliyetlidir.