The manager of the Crimean Tatar Resource Center Liudmyla Korotkykh in an interview with the UA: Crimea media agency spoke about violations of women’s rights in the occupied Crimea, stressing that it is very important not to be silent about these incidents.
.jpg)
Korotkih aytqanı kibi, yüzlernen qadın ve qızlar taqip ve basqı altında bulunmaqtalar. Yarımadada siyasiy mahbüslerniñ qorantaları eñ telükeli vaziyette bulunmaqtalar. 64 ömürarqadaş, 119 ana, 98 qız erkek desteginden mahrum qaldırıldı.
QRM-niñ temsilcisi Qırımda faal qadınlarnı taqip etmege başlağanını bildirdi. 2014 senesinden başlap QRM tarafından nevbetteki haqlar bozulmaları qayd etildi:
18 tintüv;
3 kere ceza mesuliyetine çekmek ıntıluvı;
2 ğıyabiy tutuqlama;
21 administrativ dava;
5 ceza mesuliyetine ceküv;
1 zorbalıqlı ğayıp olunma;
2 kere advokatqa nisbeten basqı.
Şundan da ğayrı, 12 qadın ölümi qayd etildi.
‘Bu aqta susmamaq pek emiyetlidir. İşğal etilgen Qırımda qadınlar azap çekeler, halqara vesiqalarda ve Ukraina, hatta RF qanuncılığında qayd etilgen haqları bozula’,- dedi ekspert.
Lüdmila Korotkih mezkür vaziyetni ögrenmek kerekligini qayd etti. QRM meneceri qadın haqlarını qorçalamasında bazı usullar ve QRM bu sahadaki faaliyeti haqqında hikãye etti.
‘Qırımtatar resurs merkezi işğal etilgen Qırımda sistemli şekilde qadın haqlarınıñ bozulmasınen bağlı vaziyetni ögrene. Yarımadada diskriminatsıya yüz bergen hallarnı qayd ete ve olar haqqında halqara cemaatçılıqnı haberdar etmektemiz. Muntazam şekilde esabat ve maruzlarımıznı halqara teşkilãtlarğa yollaymız. Hem de biz malümat bermekten ğayrı, Qırımda qadınlarnıñ vaziyetini iyileştirmek içün tevsiye ve ameliy adımlarnı teklif etemiz’,- qayd etti o.
Korotkih aytqanına köre, iyün ayında QRM ‘Qırımda qadınlarğa nisbeten basqı ve şiddet’ mevzusında maruzanı hazırladı ve onı qadınlarğa nisbeten diskriminatsıyanı yoq etüvi boyunca OON Komitetiniñ 79-ıncı sessiyası ketişatında olıp keçken ‘Tamır halqlar arasında qadın-qızlarnıñ haqları’ mevzusında umumiy munaqaşa çerçivesinde taqdim etildi ve saytta yerleştirildi.