Eskender Bariiev, Head of the Board of the Crimean Tatar Resource Center, took part in an international event on the topic: The introduction of personal sanctions as a mechanism for ensuring the protection of human rights in the occupied Crimea. In his speech, he spoke about the activities of the CTRC in this area.
Selãm aleyküm, hürmetli hanım ve efendiler!
2021 senesiniñ ilk çeriginde Rusiye Qırım yarımadası territoriyasında 3800-den ziyade asker ve 600-den ziyade arbiy ve mahsus tehnikanıñ iştiragı ile 11 arbiy talim keçirdi.
2021 senesi mart ayından başlap, Rusiye Ukraina sıñırlarına eki ordu ve üç hava ordu qısımlarını yerleştirdi.
Deñizde de kerginlik hep artmaqta. Böyle etip, Qara deñizge 15 gemi yollanılğan edi.
Genotsıd siyaseti neticesinde qırımtatar halqı öz Vatanında azğınlıq seviyesinde qaldı.
Qırımtatar ealisi deñiştirile. Repressia ve basqılar vastasınen qırımtatar ve ukrainler Rusiyege uyğun kelmegen eali olaraq Qırımdan çıqarıla. Rusiyeden Qırımğa 500 biñden ziyade ruslar kirsetildi, 50 biñge yaqın ukrain vatandaşı ise Qırımnı terk etmege mecbur oldılar.
Qırımda rusiye pasportlarını almağa zorlaylar, bunı inkãr etkenlerni ise Qırımdan çıqara ya da mülk sahipligi olmaq haqqıdan mahrum qaldıralar.
2020 senesi Qırımda insan haqları bozulmasınıñ talili esasında nevbetteki hususiyetlerni qayd etmege mümkün:
-haber etmegenleri içün tintüvler keçirilmesi;
-mahkeme toplaşuvlarına siyasiy mahbüslerini desteklemek içün kelgen faallilerniñ tutuqlanılması;
-siyasiy mahbüslerniñ anaları, ömürarqadaşları, bütün ailelerini taqip etüvi;
-rusiye qanuncılığınıñ pekinleşmesi ve onı ukrain vatandaşlarını taqip etüvinde işletilmesi;
-Qırım siyasiy mahbüslerini uzun ceza müddetine mahküm etilmesi;
-Qırım siyasiy mahbüslerine tibbiy yardım berilmegeni neticesinde sağlıqlarınıñ fenalaşması ve tutuqlanğan faalliler ve mahbüslerge maneviy ve fizik basqı yapılması;
2020 senesi 4 yıl devamında eñ çoq tutuqlama, yaqalama, hapisleme, insan haqları ve serbestliklerniñ bozuluvı qayd etildi.
Hal-hazırda QRM taliline binaen:
231 cezalı dava boyunca taqip etilgen ve siyasiy mahbüs, olardan 158 qırımtatar:
60-ı mahküm olundı ve Rusiye territoriyasında cezasını keçirmekteler, olardan 36 qırımtatar;
59-ı hapiste bulunmaqta, olardan 44 qırımtatar;
30-ı sıñırlı, ya da sınav müddetindeler, olardan 19 qırımtatar;
33-ı taqip oluna, olardan 27 qırımtatar;
55-ı vefat etti, olardan 25 qırımtatar;
21-ı qaçırılma qurbanı, olardan 15 qırımtatar.
4 Jeneva Konventsıyası bozulıp, Rusiye silãhlı küçler saflarına çağırıla. İtiraz bildirgenlerge qarşı dava açıla.
Rusiye Federatsıyasınıñ areketleri cinaiy, siyasiy meyilli ve halqara huquqnı qaba şekilde bozmaqta.
RF şiddetini toqtatuv aletlerinden biri-sanktsıyalardır.
Hal-hazırda AK tarafından 95 adam ve 23 yuridik şahıs, Büyük Britaniyanıñ maliye sanktsıyalar Konsolidirlengen cedvelinde ise 180 adam ve 48 yuridik şahısqa nisbeten sanktsıyalar kirsetilgen.
Bugünge qadar AK Qırımğa nisbeten sanktsıyalar işğal etilgen yarımada insan haqlarınıñ bozulmasına degil de, ukrain suvereniteti ve territorial sıñırlarını bozğanlarğa ait edi.
Şunı qayd etmege ister edim ki, cedvellerde hakimler, prokuror, tahqiqatçı, FSB hadimleri, yani Qırımda insan haqlarınıñ bozulmasına doğrudan doğru alãqası olğanlarnıñ adları yoq. Bu sebepten de cedveller keyfiyet ve miqdar cehetinde tam doğru sayılmaz. Kerçek cinayet yapqanlar ise cezasız qalmaqtalar.
Hal-hazırda QRM tarafından insan haqlarını bozğan 166 adamdan ibaret cedvel tizildi.
Mezkür cedvelden 3 şahısnı misal ketirmege ister edim:
1. Abdullayev Vadim Valeryeviç- Tahqiqat organnıñ yolbaşçısı, QMC ve Aqyar şeheri boyunca FSBİ tahqiqat bölüginiñ yolbaşçısı, polkovnik;
2. Burdin Artöm Alekseyeviç- Rusiye FSB Tahqiqat İdaresiniñ ayrıca ehemiyetli meseleler boyunca baş tahqiqatçısı, yustitsıya mayorı.
3. Volkov D.A.- Cenübiy arbiy bölümi prokuraturasınıñ arbiy prokurorı, yustitsıya mayorı.
2020 senesi 7 dekabr künü Avropa Parlament Avropa tış diplomatiya hızmetini insan haqları saasında AK global sanktsıya rejimini amelge keçirmege çağırdı. Avropa Parlamenti Ukrainağa da aynısını yapmağa ve ukrain versiyasını taqdim etmege teklif etti.
QRM Magnitskiy Aktı misalinde qanunlarnıñ adaptatsiya yönelişinde faal çalışıp kelmekte, RF işğalcı memuriyetinen işbirlik körgen şahıslarğa nisbeten şahsiy sanktsıyalarını kirsetüvniñ kerekligine qıymet kesüv Usuliyeti işlenildi.
Mezkür usuliyet ukraina qanuncılığında da işletile bilir ve halqara işdeşler içün sanktsıya cedvellerini tizmege yardımcı olur.
Eminmiz ki, Qırımda insan haqlarınıñ bozulmasına birlikte faal qarşılıq köstererek, tek qırımtatarlar ve Ukrainanı degil de, bütün Avropa ve dünyanı qorcalap olurmız.
Diqqatıñız içün sağ oluñız!