On Thursday, June 24, the manager of the Crimean Tatar Resource Center Zarema Bariieva took part in a general online discussion on the rights of indigenous women and girls, organized by the Office of the High Commissioner for Human Rights during the 79th session of the Committee on the Elimination of Discrimination against Women.
Tedbir tamır halqlar qadın-qızlarınıñ haqlarına dair umumiy tevsiyelerni işlep çıqarmaq maqsadınen keçirildi. QRM Qırımda siyasiy mahbüslerniñ ömürarqadaş, ana ve qızlarınıñ diskriminatsıyası, işğalcı hakimiyet tarafından körgen psihologik basqı haqqında mektüpni taqdim etti.
‘Al-azırda 64 ömürarqadaş, 119 ana ve 98 qız pek ağır maneviy vaziyette bulunmaqtalar, çünki aqayları, oğlan ve babaları qanunsız şekilde hapiske alınğan, şundan da ğayrı Rusiye Federatsıyasına evlerinden uzaq yerlerge alıp ketirilgenler’,-qayd etti Bariyeva.
QRM ayrıca Fatma İsmailova, Lilã Bucurova, Lenara Mustafayeva, Elina Memedova, Nazifa Seytumerova, Naciye Kaydanova, Gülsum Aliyeva, Aliye Kenci-Ali, Lütfiye Zudiyeva, Mumine Saliyeva, Gülsum Halilova, Lilã Gemeci, Venera Mustafayeva, Sevilã Omerova, Emine Abdulganiyeva taqip etilgenleri haqqında añlattı.
Şundan da ğayrı, işğalcı hakimiyetniñ qanunsız areketlerinden dolayı, Qırım qadınları siyasiy hayatta iştirak etmek, yani yaşağan yerleri, cemiyetlerine dair qarar almasında iştirak etmekten mahrum qalmaqtalar.
‘Yazıq ki, 2016 senesi Qırım Cumhuriyeti Aliy mahkeme qararı ile qırımtatarlarnıñ temsil organı- Milliy Meclisniñ faaliyeti yasaq etilgen edi. Qırımtatar qadınları öz milletniñ siyasiy yaşayışında faal iştirak etip kelmekte ediler. RF tarafından Milliy Meclisniñ faaliyeti yasaq etilgen soñra Milliy Meclisniñ 33 azası arasından 4 qırımtatar qadını, 248 Qurultay delegatlarından 18 qadın, 2500 regional ve yerli Meclis azasında 100-den ziyade qırımtatar qadını öz vazifelerini becermek imkãnından mahrum qaldırıldı, çünki öz vaizfelerinde faaliyet kösterilmesi Qırım yarımadasında ‘ekstremist teşkilãtı’nıñ azası olaraq mesuliyetlikke çağırılmasınen havflıdır’,- dedi QRM meneceri.
Böyleliknen, Qırımda tamır halqnıñ temsilcileri olğan qadınlar öz haqlarını bozulmasına ve psihologik basqığa oğratılmaqtalar.