77 years ago, on May 18, 1944, by the decision of the leadership of the USSR, the Crimean Tatar people were subjected to forcible and total deportation from their historical homeland – Crimea, and sent to remote areas of the Soviet Union. According to official data, almost 200,000 Crimean Tatars were deported.
1944-1956 seneleri devam etken komendant rejiminiñ müdhiş şaraitleri, açlıq, hastalıq, repressiyalar neticesinde hususan qartlar, qadın ve balalardan ibaret qırımtatar halqı kütleviy şekilde elãk oldı. Sovet devleti ise, cinayetiniñ neticelerini saqlamağa tırışıp, yoq olunğan qırımtatarlarınıñ kerçek sayısını gizley edi. Qırımtatar milliy areketiniñ malümatlarına köre, 1960 senesiniñ ortalarında keçirilgen qırımtatar ealisiniñ cevdelge aluvına binaen, Qırımdan umumen 238 500 insan sürgün etildi. İlk yılları 110 200 adam, yani sürgün etilgenlerniñ 46.2% elãk oldı.
50 yıl devamında ‘qırımtatarlar’ etnonimi ilmiy ve huquqiy saalardan silindi. Sovet hakimiyeti Qırım toponimlerini deñiştirdi, qırımtatar tiliniñ ögrenilmesini, medeniy ve milliy adetlerniñ inkişafını ve Qırımğa qaytmaqnı yasaq etti.
1989 senesi SSSR Yuqarı Keñeşi tarafından Qırımdan qırımtatarlarnıñ sürgün etilmesi cinayet olaraq tanıldı. Aynı şu sene qırımtatar halqı kütleviy şekilde Qırım Vatanına qaytmağa başladı.
Faqat tarih tekrarlana eken, teessüf ki..
2014 senesi RF Qırımnı işğal etti.
Her kün tintüvler, insanlarnıñ ğayıp olması, Facebookta yazı içün tutuqlamalar- bular hepisi bir uydurma degil de, künümizniñ kerçekleridir. 2014 senesi Qırım işğali ve neticesi olaraq sistemli repressiyalar, tutuqlama, sorğu, tintüv, hapisleme, yaqalamalar, zorbalıqnen başqa yerge alıp ketilmeler, qaçırmalar ve öldürüvler sebebinden tamır halq Vatanını terk etmege mecbur oldı.
Yarımada ealisini kütleviy şekilde deñiştirmege tırışalar.
Qırım tamır halqını yarımada sıñırlarına çıqartmağa ğayret etile. Qırımtatarlarnı duşman olaraq köstermege ıntılıp, terrorizm, silãh saqlanmasında, devlet devrimine davet etkenlerinde qabaatlaylar.
Qırımtatar resurs merkeziniñ malümatlarına köre, işğal devri içerisinde 230 adam, olardan 153 qırımtatar cezalı davalar boyunca taqip olundı. 21 adam zorbalıqnen qaçırıldı ve tapılmadı, olardan 15-qırımtatar. Daha 55 adam, olardan 25-qırımtatar vefat etti.
İşğalcı hakimiyet Qırımtatar Milliy Meclis azaları, jurnalistler, Qırım ‘ruslarğa ait’ olğanını qabul etmegen vatandaşlarğa qarşı basqı köstermekteler. İşğal rejiminen küreşkenler öz Vatanından rahat yaşap olamaylar, ana-babasını, tuvğanlarını ziyaret etip, bazıları atta cenazelerini qılıp olamaylar. Çünki işğal etilgen topraqlarğa ayaqları basılğanınen hapiske alınacaqlar.
Bu tek qırımtatararnıñ acısı degil, bu bizim umumiy acımızdır. Biz, işğalcı devletniñ areketleri ne qadar telükeli olğanını añlap, birleşip, qırımtatar halqını saqlamaq maqsadı ile Rusiye Federatsıyasına basqımıznı quvetleştirmek kerekmiz. Olarnı, 1944 senesi mayıs ayında olğanı kibi, duşmannen yüz-yüzge qaldırmağa haqqımız yoq.