Head of the Board of the Crimean Tatar Resource Center, head of the Department of Legal Affairs and Foreign Affairs of the Mejlis of the Crimean Tatar people Eskender Bariiev congratulates all residents of Ukraine on the national flag holiday.
‘Ukrainanıñ mustaqillik yılları devamında devlet bayrağı menim içün pek qıymetli olıp qaldı. Bunıñ sebebi tek qırımtatar ve ukrain bayraqlarnıñ renk beñzerliginde degildir. Bütün bu yıllar devamında Qırım inkişafı oğrunda çalışır ekenmiz, Ukraina devlet bayrağını qırımtatar bayrağınen birlikte qırım dağlarnıñ töpelerinde tikledik, portaqal inqilãbı vaqtında bu bayraq altında öz haq ve serbestliklerimiz içün küreştik. Bu bayraqnı işğalniñ 8 ayı devamında qırımtatar Milliy Meclis binasınıñ üstünde tutmağa tırıştıq, bu bayraq merhametniñ zulum ile, demokratiyanıñ avtoritarizmnen, serbestlikniñ qulluq ile küreşiniñ temsili olıp qaldı!
Eminim ki, yaqın zamanda Ukraina devlet bayrağı ve qırımtatar milliy bayrağımız Qırımda birlikte dalğalanacaq!
Ukraina devlet bayrağınıñ künü hayırlı olsun!