For the first quarter of 2021, 146 arrests were recorded in the occupied Crimea, 126 of which were against Crimean Tatars. The number has increased significantly compared to 2020, then 25 arrests were recorded. This is stated in the analysis of human rights violations in the occupied Crimea for the first quarter of 2021 of the Crimean Tatar Resource Center.
Bir sıra tutuqlamalar tintüvlerden soñra yer aldı. Qırım sakinlerini RF-nda yasaq etilgen ‘Hizb ut-Tahrir’, ‘İyegova şaatları’ kibi teşkilãtlarda iştirakleri içün, RF arbiy ordusında hızmetten qaçınmaları , ‘içtimaiy ağlarda terrorizmni aqlağanları’ içün qabaatlap tutuqlay ediler. Şundan da ğayrı, bir sıra insan sıñırda tutuqlanğan edi.
Bu kategoriyada bozuvlarnıñ yüksek miqdarı işğalcılar Qırımdan Rostov-na-Donu şeherine mahkeme hüküminiñ ilãn etilmesine ketken faal cemaatçılarnı kütleviy şekilde tutuqlanğanınen bağlıdır. O vaqıt 120 qırımtatarlar tutuqlandı.
Bu yerde Krivoy Rog sakini jurnalist Vladislav Yesipenkonıñ tutuqlanması haqqında hatırlatmaq kerek. Aqmescitte T.Şevçenkonıñ doğğan künü munasebetinen keçirilgen aktsıyada tutuqlanğan Yesipenko eki kün devamında işkencege oğratılğanı belli.
Hatırlatamız ki, Qırımtatar resurs merkezi işğal etilgen Qırımda 2021 senesiniñ ilk çeriginde yüz bergen insan haqlarını bozuvlarınıñ talilini taqdim etti. Teşkilãtnıñ bildirgenine köre, mezkür vaqıt içerisinde 22 tintüv, 146 yaqalama, 23 sorğu keçirilgen edi. Yılnıñ ilk üç ayında umumen 45 adam hapiske alındı: 10-yañı, 16-müddetni uzatuv, 19-mahkeme hükümi. Adaletli mahkeme haqqınıñ bozuvı 113 kere yüz bergen edi. Fizik ve psihik sağlığına dair haqlarnıñ bozulması 51 kere qayd etildi. Şundan da ğayrı, 33 kere siyasiy mabuslar Qırımda başqa yerlerğe alıp ketildi. QRM esabatında din haqları, yarımadada ekologik normaları, hapisteki müşkül şaraitler, siyasiy mabuslarnıñ haqları bozulğanı ve işğal etilgen Qırımda qanunsız arbiy talimler keçirilgeni haqqında malümat bulunmaqta.