2020 senesi 7 dekabr künü, AB iştirakçi ülkeleri arasında bir ay devam etken areketlerden soñra, AB Keñeşi AB-niñ insan haqları saasında sanktsıyalarnıñ Global rejimini qabul etti. İşbu qarar AB-ne bütün dünyada insan haqlarınıñ bozuvlarına alãqası olğan, mesüliyetli fizik, ya da yuridik şahıslarğa qarşı sanktsıyalarnı kirsetmege imkãn bere. İlk sanktsıyalar 2021 senesi mart ayında kirsetilgen edi ve RF-nda esas serbestliklerini bozulması içün mesüliyetli, Navalnıynıñ taqibi, Çinde uyğurlarğa qarşı repressiyalar içün mesüliyetlilerge doğrultılğan edi.
AB rejiminiñ kirsetilmesi Magnitskiy Aktınıñ analogları olğan ve AP parlamentlerinde qabul etilgen, ya da al-azırda baqılmasını beklegen qanunlarnıñ yolundan ketmekte. AQŞ-nda 2016 senesi qabul olunğan ve rusiyeli yurist, korruptsıyanen küreşken Sergey Magnitskıy şerefine adlandırılğan Magnitskiy Aktı insan haqları içün global mesüliyetlik haqqında Magnitskiy Qanunı seviyesine kenişletildi ve böyle etip, insan haqlarını bozuvında ya da ciddiy korruptsıya işleri içün mesüliyetli her angi çetel fizik ya da yuridik şahısqa nisbeten işletile bile.
Magnitsky Aktı misalinde sanktsıyalar mehanizmleri Kanada, Büyük Britaniya, Baltiyanıñ üç ülkesi ve Kosovoda kirsetildi. Avstraliya ve Yaponiya ös versiyalarını işlemekteler, İtaliya ve Germaniya ise öz hakimiyetlerine hususiy sanktsıyalar aletini taqdim etmek içün öz qanun leyihalarını çıqardı.
İnsan haqlarını bozğanlar öz cinayetleri içün mesüliyetlke çağırılmağan ülkelerde sanktsıyalar cezasızlıqnen küreşmek içün effektiv vastadır. Maliye, kezme, seyahatlarda sıñırlamalar, halqara meydanda adı çıqqanı insan haqlarını bozğanlarğa areketlerine diqqat ettire.
Mezkür onlayn-konferentsıya AB sanktsıyalarnıñ global rejiminiñ küçlü ve zayıf taraflarını talil etilmesine ve qanun daa işlenileyatqan, baqılğan ülkelerniñ qanun tekliflerine qıymet kesilmesine doğrultılğandır.
Tedbirde AB parlamentniñ azaları, halqara teşkilãtlarnıñ temsilcileri, Aqrusiye, Qazahstan, Çinniñ Sitszan regionında, Gonkong, Moldova, Rusiye Federatsıyasında ve işğal etilgen Qırım territoriyasında insan haqlarınıñ qorulması içün küreşken faalcılar, huquqqoruyıcı ve ekspertler iştirak etecek.
Spikerler:
Lüdmila Kozlovskaya- ‘Açıq dialog’ Fondunıñ reisi;
Frantişek Vãçorka- Svetlana Tsihanovskayanıñ baş meslehatçısı, jurnalist;
Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;
Barlık Mendıgaziyev- iş adamı, insan haqlarınıñ qoruyıcısı, Freedom Kazakhstan amerikan fondunıñ tesisçisi;
Bota Cardemali- advokat ve huquqqoruyıcı, sabıq qazahstan mabus İskander Yerimbetovnıñ tatası;
Roberto Rampi- İtaliya Senatı ve AB Parlament Assambleyasınıñ italyan eyetinindeki insan haqları boyunca Mahsus komissiyanıñ azası;
Eleonora Mongelli- insan haqları İtalyan federatsıyasınıñ vitseprezidenti ve ‘Qulluqta yapılğan’ podkastnıñ muellifi;
Laura Hart- haq üstünligi Global komitetiniñ Marko Pannela İlmiy keñeşiniñ koordinatorı;
Devid Donat Kattin- baş kãtip, parlamentariyler global areketler tarafdarı;
Paola Gaffurini- ‘Açıq dialog’ Fondunıñ advokatsıya boyunca mutehassıs.
Tedbirni onlay şekilde Facebookta QRM sahifesinde ve YouTube Open Dialogue Foundation kanalında seyir etmege mümkün olacaq: https://www.youtube.com/watch?