Yarımada sakinleri insan haqları ve serbestlikleriniñ, şu cümleden, öz fikrini bildirme, din ve mevamları, toplaşmaq haqlarınıñ sıñırlanmasınen rastkeleler. Qırımtatarlarnıñ vaziyeti ise ayrıca endişelidir. Olarnıñ, ukrain ve diger tamır halqlarınen bir sırada öz ürf-adetlerini, özgünligini saqlamaq haqları olmalı’,- dedi o.
Bundan da ğayrı, İrlandiya temsilcisi, Memedinov kibi jurnalistler, haber vastalarnıñ diger hadimleri, huquqqoruyıcılar ve advokatlarnıñ telükesiz, serbest çalışmağa imkãnları olmaq kerekligini qayd etti.
‘İrlandiya qanunsız şekilde yaqalanğan Ukraina vatandaşlarını-mabuslarnı eñ yaqın zamanda azat etmege çağıra. İnsan haqlarınıñ bozuvı, ayrıca, insanlarnıñ belgisiz ğayıp olmaları, işkencege oğratılğanları haqqında haberlerge diqqat etmege devam etemiz. İnsan haqlarınıñ bozuvları cezasız qalmamalı’,- qoştı o.
Bundan da ğayrı, İrlandiya RF-sından yarımadağa öz vatandaşlarını köçürip, Qırım demorgafik strukturasını deñiştirmemege, Qaradeñiz regionında havfsızlıq vaziyetine menfiy tesir etken militarizatsıyanı toqtatmağa talap etti.