Riza Izetov, the defendant in the second Hizb ut-Tahrir case in Simferopol, was placed in a solitary punishment cell. He stayed there for more than 10 days, as reported by Crimean Solidarity.
"O özüni bir yoruq duya, 10 künden berli spetsbloqta yalıñız bulunmaqta. Ayta ki, yalıñızlıqta öz müsbet tarafları da bar, lâkin menfiy soyları ziyadecedir. Bundan ğayrı Rizanıñ pek faal, münis bir insan olğanını da közde tutmalı, şunıñ içün o, elbette, insanğa muhtac. Bunen birge böyle al oña protsesslerge azırlanmaq imkânını bere, onıñ içün o bütün bu alnıñ müsbet taraflarınen de faydalanmağa tırışa", – dep bildirile.
Hatırlatamız ki, 2017 senesi saban ayınıñ 27-de Rusye işğalcileri 26 qırımtatar evinde kütleviy tintüvler keçirdiler. Bazı faalerde yasaq etilgen kitaplarnı taptılar. "Qırım birdemiligi" birleşmesiniñ malümatına köre, şu kitaplarnı quvetçiler özleri ketirip qoydılar. Kitaplardan ğayrı insanlardan telefon, planşet, noutbuk ve pasportlarını tutıp aldılar. Quvetçiler qırımtatarlarğa nisbeten qaba şekilde areket ete ediler. Olar yaqalanğan insanlarğa qarşı küç qullandılar. Evlerge ayaqqaplarını çıqarmayıp kirdiler. Tintüvlerge kelgen advokatlarnı müşterilerine yibermey ediler. Tintüvler neticesinde 20 insan yaqalandı, olarnı Rusiyede yasaq etilgen "Hizb ut-Tahrir" teşkilâtına alâqası olğanında qabaatladılar. Saban ayınıñ 28-de tintüvler keçirilgen vaqıt evlerinde olmağan daa üç qırımtatar faalini yaqaladılar. Saban ayınıñ 27-de ve 28-de işğal "mahkemesi" tintüvlerden soñ yaqalanğan 23 insannıñ cemisini apiske aldı. Sıñırlav tedbiri olaraq, episini tevqifhanede qaldırdılar. Soñra apis müddeti defalarca uzatılğan edi.