The Head of the Crimean Tatar Resource Center, Head of the department of legal and foreign affairs of the Mejlis of the Crimean Tatar people, Eskender Bariiev, in an interview with the Gazeta.ua media agency, spoke about how activists from among the internally detained persons play a significant role in the development of Ukraine and why conflicts arise between communities and activists of displaced persons. Discussing these issues, the expert emphasized that the de-occupation of Crimea depends on the unity of mainland ukrainians.
.830_545.jpg)
"Faallik – muacirlerniñ cemiyetke integratsiya protsessidir. Yañı yerlerge köçip kelgen muacirler etraftaki şeylerge "taze baqışnen" baqıp qıymet keseler, bazı meselelerge diqqat etip, olarnıñ çezilüvi içün yañı usullarnı tapalar",- iza etti Bariyev.
Ekspertniñ qayd etkenine köre, muacirlerniñ bir qısmı açıq aydın añlay ki, ukrain cemiyeti siyasiy ceetten kemalatına yetse, birlik olsa, o vaqıt Qırım işğali de, Donbasstaki cenk de biter. Onıñ içün, Qırımnıñ deokkupatsiyası qıta ukrainalılarnıñ birligine bağlı.
Faaller ve cemiyetler arasında bazı vaqıtlarda çatışmalar peyda olalar. QMM yolbaşçısı aytqanı kibi, insannıñ yañı cemiyetke integratsiyası – o er vaqıt mürekkep bir protsess. Çeşit cemiyetlerge çeşit mental hususiyetler ait,adetleri, ananeleri. Muacirler köçip kelgen şeerleriniñ sakinleri içün çoqusı allarda etraftaki şaraitler, yaşayış alışıq ve kelişikli edi. Muacirlerniñ çoqusı ise faal, etraftaki, adetke kirgen şeylerni deñiştirmege istekleri olğan insanlar ve tamam şu sebepten çatışmalar peyda olalar.
"Muacirler ve cemiyetler biri birinen muabetlikte aşamağa ögrenmek içün belli bir vaqıt keçmek kerek. Onı tezleştirmek içün faal muacirler müsbet neticelerni köstermek kerekler. Eger cemiyetler,işğal topraqlarından köçip faallik köstergen muacirlerniñ areketleri faydalı olğanlarını körseler, ileride böyle çatışmalarğa yer olmaz. Faaller üküm organlarınen de umumiy kommunikatsiyanı tapa bilirler em de öz cemiyetlerinde lider olmaq mümkünler", – dep qoştı o.
Qırımğa ne qadar adam qaytacaq degen sualine cevap bererek, Eskender Bariyev, effektiv deokkupatsiya içün Qırımğa episi muacizler qaytmaq kerek dep, cevaplandı. Çünki tamam qırımlılarda Qırımda yaşavı tecrebeleri bar, tamam olar regionnıñ spetsifikasını bileler. Olar yarımadada iş ve faal cemiyet areketlerini effektiv şekilde nasıl alıp barmaq mümkün olğanını, semetdeşlerniñ mental çizgilerini bileler.
Olarğa, belki, Qırım cemiyetine de reintegratsiya protsessini keçmek kerek olur, çünki RF endi 7 yıl devamında yarımadanı öz arbiy nezareti altında tuta. Bundan ğayrı rusiye tesiri Qırım cemiyetiniñ ruhiyatına darqalğanını da unutmağa kerekmey. Lâkin, töpede belgilengen aspektlerge binayen, bu protsess yengilce keçer. Çünki olar episi bir özüniñkileri olacaqlar. Olarnıñ integratsiyası yengil keçip, yarımadağa ukrainlikni ve avropa dünyabaqışını ketirir. Bu, şimdi, reintegratsiyadan evel yarımadada yaşağan Qırım sakinlerine yollanılğan işaretlerden birincisidir",- dep, qayd etti ekspert.