On Monday, February 8, in the office of the Mejlis of the Crimean Tatar people, a meeting was held with the OSCE High Commissioner for National Minorities Kairat Abdurakhmanov. Representatives of Mejlis informed the diplomat about the situation with human rights violations in the occupied Crimea and about repressions against the indigenous Crimean Tatar people.
Korüşüvde milliy azlıqlarnıñ sualleri boyunca AHIT Aliy komissarı Kayrat Abdurahmanov, Qırımtatar Milliy Meclisiniñ reisi Refat Çubarov, qırımtatar halqınıñ mıllıy lıderi Mustafa Cemilev, Qırımtatar Milliy Meclisi reisiniñ muavini İlmiy Umerov, Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ uquqiy meseleleri ve tış işleri idaresiniñ başlığı Eskender Bariyev, Meclis azası Riza Şevkiyev ve Ukraina deputatlarnıñ yardımcı-konsultantları iştirak ettiler.
Meclisniñ vekilleri diplomatqa işğal etilgen Qırımda insan aqları bozuluvınıñ vaziyeti, tamır qırımtatar halqı ve etnik ukrainalılarğa nisbeten repressiyalar aqqında haber berdıler. Hususan, QMM idaresiniñ yolbaşçısı böyle tekliflerni beyan etti:
1. AHİT bölgesinde tamır qırımtatar halqınıñ vaziyetini tüzetmek içün plan tizmek;
2. AHİT idaresine ve AHİT azaları olğan devletlerge daimiy şekilde, şu sırada ekitaraflama işbirligi vaqıtında da, Rusiyeden Meclisniñ yasaq oluvı qararıniñ lâğu etilüvi aqqındaki MS BMT-nıñ Aradaki Qararınıñ, AHİT PA -niñ qararı ve deklaratsıyalarınıñ, AŞNK-niñ (KMCE) qararınıñ yerine ketirilmesini talap etmek;
3. AHİT-niñ diger halqlarara organlar ve teşkilatlarnen (BMT, UNESCO, BMT yanındaki insan aqları boyunca şurası, AŞ (СЕ), küçlerni birleştirmek maqsadınen, Qırımda insan aqları bozuluvı vaziyeti boyunca sistemli dialog tizmek;
4. Qırımnıñ suvsuzlıştıruv havfı, Covid-19 pandemiyası, rasa diskriminatsiyasınıñ devam etilüvi sebeplerinden Qırım boyunca gumanitar cevaplandıruv planınıñ işletüvini teşebbüslendirmek
Çoq yazıq, lâkin tarihta oyle ola ki, bir vaqıtları başqalarına yardım etkenler özleri de yardımğa muhtac olmaq mumkün. Qazahlarnıñ Qırım ve qırımtatarlarnen bağlı «40 batır» serlevalı eposı bar. Eposqa binayen qırımtatarları qardaş qazah halqına yardımğa keleler, yazıq ki, şimdi qırımtatarları özleri de yardımğa muhtaclar», – dep qoştı Bariyev.
AHIT (OBSYe) Aliy komissarı, öz nevbetinde, Ukrainanıñ suveriniteti ve territorial bütünligine denişmez qol tutuvı aqqında hatırlattı ve AHIT iç bir vaqıt Qırımnıñ qanunsız işğalini tanımaycağını ayrıca qayd etti. Bundan da ğayrı, subetdeşler AHIT IK ve qırımtatar halqı Meclisiniñ ilerideki kommunikatsiya yollarını muzakere ettiler.