On Wednesday, February 3 at 12:00, the Crimean Tatar Resource Center held a press conference on the topic “Modern challenges of assessing the actions of collaborationists and sanctions policy”, during which it presented a methodology for assessing the feasibility of introducing personal sanctions against persons who cooperate with the occupation authorities.
Press-konferentsiyada böyle spikerler iştirak etti:
Eskender Bariyev – Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası
Lüdmila Korotkih – Qırımtatar Maaliy Merkeziniñ menecerı;
Böris Babin – Qırımtatar Maaliy Merkeziniñ eksperti, adliye ilimleri doktorı
Muzakere içün nevbetteki sualler teklif etildi:
-Qırım Maaliy Merkeziniñ "Keçici devirge nisbeten devlet siyaseti" Qanun Proyekti boyunca teklifleri;
-Qırımnıñ işğalci akimiyetinen olğan işbirlik şekilleriniñ tasnifi ve kriteriyleri;
-Ukuq qorçalayıcılar, devlet, tış memleket partnörlarınıñ effektiv işleri içün kollaborantlarlarnıñ faaliyetine qıymet kesüvniñ müimligi;
-Ukrainanıñ uquq alanına "kollaboratsionist" añlamını kirsetilüviniñ müimligi.
Qırımtatar Maaliy Merkezi idaresiniñ yolbaşçısı hatırlattı ki, 2020 senesi dekabrniñ soñunda, 7 yıllıq işğalden soñ, vaqtınca işğal olunğan territoriyalarınıñ sualleri boyunca Nazirligi, tanışuv ve tekliflerniñ kirsitilüvi maqsadınen, "Keçici devirge nisbeten devlet siyaseti" Qanun Proyektini bastırdı. Onıñ qayd etkenine köre, bu teşebbüs daa sistemli çalışuvnı talap ete ve bu işke QMM-niñ eksperleri de qoşulmağa azırlar
"Nasıl etip de, memurnı ve, başta Ukrainağa ant etip, soñ ise işğalciler tarafına keçken arbiy hızmetçisini, ya da Gippokrat antını etken ve işğal etilgen topraqlarda çalışmağa devam etip, ukrainlilerge tibbiy yardımnı bergen ekimni bir sırağa qoyıp teñeştirmek mümkündir? Areketler nasıl olmalı? Buña nasıl etip qıymet kesmek mümkün? Bu episi sualler daa çezilmeyip turmaqtalar. Şu sebepten QMM, insanlar öz kolloboratsiya derecesine qıymet kesmek içün yardımcı bir alet olğan usullarnı teklif ete. Bu tasnif em tış memleketler teşkilâtları, em de ukrain devlet organları içün sanktsion siyasetiniñ aleti olaraq işletilmek mümkün" – dep iza etti QMM idaresiniñ yolbaşçısı.
Qırımtatar Maaliy Merkezini ekspertleriniñ fikirlerine köre, konkret şahısqa nisbeten, onıñ areketlerine cevaplanmaq içün, kollaboratsiya şekilleri ne derece maqsatqa muvafıq olğan qıymet kesüviniñ yolları olaraq, bir sıra mesüliet indikatorlarnıñ qullanıluvı lâzimdir. Şu indikatorlarnıñ toplulığı şahısnıñ sanktsion cedvellerge kirsetilüv zaruretini ve oña nisbeten bu zaruretniñ sıqletligini köstermege lâzimdir.
Sanktsion siyasetiniñ ölçevi boyunca böyle mesülietni tayinlemek içün nevbetteki, toplulıqta qullanılmaqnı talap etken, (qararlaştırılğan) indikatorlar teklif etile:
1. Grajdanlıq
2. Qırımda bulunmasınıñ legalligi.
3. Ukraina ögünde olğan mahsus mecburiyetleri
4. Ukraina ögünde olğan mahsus mecburiyetleriniñ toqtatıluvı
5. İşğalci akimiyeti sistemasındaki statusı
6. İşğalci akimiyetiniñ vazifelerine olğan munasebeti.
7. İşğalcilernen işbirligi neticesinde olğan negativ aqibetleri.
8. İşğalcilernen tutqan işbirliginiñ devamlılığı
9. Şahısnıñ işğalcilerge nisbeten köstergen faaliyetine qıymet kesüv
10.İşğalcilernen işbirlikte bulunmaqtan müsbet ihtiyaclarnıñ beklenilüvi
11. İşğalcilernen olğan işbirlikniñ toqtatılmasınıñ esasları
12. Esapqa alınacaq umumiy faktorlar
QMM-niñ meneceri Lüdmila Korotkihniñ iza etkenine köre, indikatorlarnı konkret şahıs içün saymaq içün, çeşitlerniñ içinden birisi, eger de bir kereden bir qaç çeşitniñ arasından saylamağa imkân olsa – çoqça ball bergen soyu saylana. 1-9-ge qadar indikatorlarnıñ balları arifmetik terkip etileler ve olıp çıqqan sayıdan 10-12-gece indikatorlarnıñ balları çıqarıla. Eñ çoqu olaraq 100 ball almaq mümkün. 50 ball ise qızıl sızıqnı, yani ondan tış çıqmağa mümkün olmağan sıñırnı teşkil ete.
"Medianalar aqqında laf yürsetkende, biz 50-ni bir şartlı sayı olaraq alamız, lâkin biz realist olğanımız içün añlayıq ki, sanktsion cedvelleri yüzler biñ adamlardan ibaret olmaycaqlar ve bu cedvelge olğan-olacağı bir qaç onluq şahıslar kirsetilecek. Elbet, 50 baldan ziyade qazanğanlarnıñ episi sanktsion cedvelge kirsetilmez. Lâkin bir de bir insannıñ cedvelge kirsetilmesine onıñ yüksek ballar almasını, delil olaraq ketirmek, mümkündir" , – dep añlattı Böris Babin.
QMM-niñ vekilleri, misal olaraq, şu taqdim etilgen usullarğa binayen, üç şahısqa qıymet kestiler. İşğal etilgen Qırımnıñ eks-prokurorı 86 ball qazandı, şeer şurasınıñ deputatı – 30, şeer hastahanesiniñ şartlı ekimi ise -17.
"Endi bugünden biz işğal etilgen topraqlarda yaşağan grajdanlarımızğa qızıl sızıqtan tış çıqmağa mümkün olmağanını köstermege kerekmiz. Akis alda, olar sanktsion cedvellerge tüşmek telükesine ögramaq, ya da, halqara qanunlarnı qaba şekilde bozup kelgen RF grajdanları kibi, Ukrain uquqlarınıñ bozuluvı sebebinden mesüliet çekmek mümkünler" – dep qoştı Bariyev.