On Monday, December 28, activists of the international movement for the de-occupation of Crimea and solidarity with the Crimean Tatar people #LIBERATECRIMEA presented the Strategy of the movement online. The participants presented the public part of the Strategy and prospects for the further implementation of #LIBERATECRIMEA. Activists of the movement from different countries of the world joined the event and shared their experience of working on the liberation of Crimea and the formation of solidarity with the Crimean Tatar people.
Tedbirniñ başında #LIBERATECRIMEA strategiyasınıñ inkişaf etilmesine qol tutqan Estoniya insan aqları institutınıñ reberi Aeet Kukk hayırlav sözü ile çıqışta bulundı.
Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası ve #LIBERATECRIMEA areketiniñ yöneticilerinden biri Eskender Bariyev areketniñ strategiyası üzerinde çalışuv 2018 senesinden başlap, 2020 senesiniñ qural ayına qadar devam etkenini haber etti. Onıñ aytqanına köre, işbu faaliyetnen 100-ge yaqın ekspert ve faal oğraştı. Estoniya institutınıñ mesleatcışı ve LIBERATECRIMEA areketiniñ yöneticilerinden biri Oliver Loode ile beraber areketniñ teşkil etilmesi ve başlanğıçı, bütün dünyada alınıp barılğan tedbirleri aqqında ikâye ettiler.
Şu cümleden, faaller ''Azatlıq lageri'' adındaki halqara yazlıq lageriniñ, ''#LIBERATECRIMEA – bayraq ile birleştirilgenler'', Qırımnı işğalden azat etmek oğrunda bütün dünyada keçirilgen piketler ve tedbirler, Rusiyeniñ Ukrainağa qarşı tecavüziniñ 5-nci yıllığına bağışlağan (şeer aydınlatmaları şekilinde) ilânlar, kampaniyalar ve muzıkalı kontsertler ve ''Namzet, Qırımnıñ kimge ait olğanını ayt'', ''Deputat, Kreml mabuslarına yardım et!'' ve #LIBERATECRIMEA areketiniñ başqa tedbirleriniñ neticelerinen paylaştılar.
Faaller, #LIBERATECRIMEA halqara areketi Qırımnıñ işğalden azatilmesi oğrunda küreşkenini ve qırımtatar halqına qol tutuv olaraq teşkil etilgenini qayd ettiler.
''#LIBERATECRIMEA halqara areketiniñ maqsadı – Qırımnıñ serbest inkişaf etmesi ve demokratik Ukrainanıñ ayırılmaz bir parçası olmasıdır. Topraqlarında tamır halqlarınıñ, yani qırımtatar, karay ve qırımçaqlarınıñ umumiy aqlarınıñ ve ayrı şahıslarnıñ insan aqlarınıñ yerine ketirilmesine riayet etilmeli'', – dep haber etti Eskender Bariyev.
#LIBERATECRIMEA areketiniñ ğayesi ise, şiddetke urulmayıp, Qırımnı işğalden azat etilmesi, insan aqlarına riayet etilmesi ve qırımtatar halqınıñ umumiy aqlarınıñ tarihiy vatanlarında yerine ketirilmesi içün çalışmaq olğanını qayd etti.
"#LIBERATECRIMEA Qırımnı azat etüv, Ukrainanıñ topaq bütünligini ğayrıdan tiklev ve Qırımda insan aqlarına riayet etüv oğrunda Ukrainada ve bütün dünyada grajdan cemiyetiniñ sesini areketke keçirip ve quvetleşitirip, bu maqsadnı yerine ketirmege tırışa.
Oliver Loodeniñ aytqanına köre, areketniñ strategiyası aşağıdaki qıymetlerni belgiley:
– serbestlik;
– birdemlik;
– zorbalıqsız areketler;
– aq qorçalayıcı vastalar;
– uquq üstünligine riayet etüv;
– sanat ve yaratıcılıq;
– mustaqillik;
– siyasiy tarafsızlıq;
– havfsızlıq;
– demokratiya.
Qırımtatar Maaliy Merkeziniñ yöneticisi Lüdmila Korotkih, #LIBERATECRIMEA halqara areketiniñ maqsadları ile tanıştırdı. Onıñ aytqanına köre, areketniñ esas maqsadı – grajdan cemiyetiniñ sesini quvetleştirip, zorbalıqsız küreş vastasınen 2014 senesiniñ kiçik ayından berli bu küngece Qırımda kütleviy sürette yüz bergen insan aqları bozuluvlarınıñ esas sebebi olğan qanunsız Qırım işğalini toqtatmaqtır.
Bundan ğayrı, o, strategiya çerçivesinde 4 qoşma/mahsus maqsad belgilengenini qayd etti:
1. Qırımnı işğalden azat etüv ve Ukainanıñ topraq büünligini ğayrıdan tiklev oğrunda muntazam şekilde qol tutuv ile temin etüv.
2. İşğal etilgen Qırımda umumiy ve şahsiy insan aqlarınıñ qorçalanmasına ve yerine ketirilmesine hızmet etüv.
3. Qırımtatar halqınıñ ittifaqdaşları, ortaqları ve dostlarından ibaret olğan global ağnı teşkil etüv ve Ukrainada umumiy aqlarınıñ yerine ketirilmesini teşvik etüv.
4. #LIBERATECRIMEA halqara areketiniñ istiqrarlı şekilde inkişaf etmesini temin etüv.
Strategiyanıñ taqdim etilüvinden soñ, areketniñ Ukraina, Avstraliya, Litva, Latviya, Almaniya, Büyük Britaniya, İsrail, Rusiye ve başqa memlekelerinden faalleri hayırlav sözlerinen çıqışta bulundı. Olar, Qırımnı işğalden azat etüv ve qırımtatar halqı ile birdemlik oğrunda qoltutuv mitingler, piketler ve başqa tedbirlerni teşkil etüv saasında tecribelerinen paylaştılar ve ukrain yarımadasını işğalden azat etilmesi içün zorbalıqsız ve yaratıcı şekilde kureşmege devam etmek niyeleri olğanını qayd ettiler.
#LIBERATECRIMEA halqara areketiniñ faaliyeti aqqında tafsilâtlıca oqumaq.