On Tuesday, December 22, in the occupied Crimea, in Sudak, the Russian police came to the house of the activist Refat Kamilov, who had previously been detained on July 11 in front of the Supreme Court of the Russian Federation. Security officials claim they are looking for “illegal immigrants”. This was reported by the Crimean Solidarity public association.
'İlk qış ayınıñ 21-de maña polis hadimleri kelip ketti. Şahsiy malümatlarımnı yazıp, mında qanunsız alda yaşağanlarnı qıdırğanlarını haber ettiler. Qomşumda kimler yaşap çalışqanlarnen meraqlandılar. Bu sualler ile ne içün maña kelgenlerini bilmeyim. Bu, ekinci kelişleri edi. Moskovağa vatandaşlarımızğa qol tutmaq maqsadınen barıp yaqalanğan soñ, olar birinci kere kelip ketken ediler. Sanki bir cinayetçini ziyaret ettiler. Tınç narazlığımnı bildirmege aqqım bar. Elbette, men buña açuvlandım. Ne içün kelip soraştırğanlarını añlap olamayım. Yani, yapqanları, siyasiy basqınıñ bir çeşitidir'', – dep ikâye etti faal.
Hatırlatamız ki, oraq ayınıñ 11-de Bahçisaraydaki birinci ''Hizb ut-Tahrir davası'' iştirakçileriniñ imayesi tarafından berilgen istinaf şikâyetlerini baqqan Rusiye Federatsiyasınıñ Yuqarı Mahkemesi yanında Rusiye polisleri vatandaşlarına qoltutmaq maqsadınen kelgen 46 kişini yaqalağan edi.
Oraq ayınıñ 29-da Moskovadaki Taganskiy rayon mahkemesi oraq aynıñ 11-de RF Yuqarı mahkemesi yanında yaqalanğan 18 qırımtatarğa 20 biñ ruble miqdarında para cezasını kesti. Olarnıñ episi Memuriy bozuvlar kodeksiniñ 20.2 maddesiniñ 5-inci qısmı boyunca qabaatlandı. Cöremeniñ umumiy miqdarı 360 000 rubleni (5 666 $) teşkil etti. Arman ayınıñ 5-de Moskovadaki Meşçanskiy mahkemesi oraq ayınıñ 11-de RF Yuqarı mahkemesi yanında yağalanğanlardan daa 3 qırımtatarğa 15 biñ ruble miqdarında para cezasını kesti. Arman ayınıñ 9, 20 ve 21-de Moskovadaki Meşçanskiy mahkemesi daa 17 qırımtatarğa 10 biñ rublelik para cezasını kesti.