On Friday, December 18, the Head of the Board of the Crimean Tatar Resource Center, a member of the Mejlis of the Crimean Tatar people took part in a round table on the topic: “Persecution for political and religious reasons in the occupied territories. Ways of influence and solution of the problem.” During the discussion, he stressed that the Russian Federation continues its struggle against dissent, as well as the religious beliefs of people in the occupied Crimea. Bariiev called on to help Ukrainian political prisoners through the implementation of the campaign “MP, help the prisoners of the Kremlin”, within which our compatriots will be able to receive additional protection.
''Qırımtatar Maaliy Merkeziniñ malümatına köre, al-azırda cinaiy davalar çerçivesinde 218 siyasiy mabus taqip etile, olardan 150 – tamır qırımtatar halqınıñ vekilleri, 114 kişi ise FSB zindanlarında buluna. Olarnıñ bir qısımına ükümler çıqarıldı, olar endi koloniyalarğa avuştırışdı, 59 kişi ise taqiqiy izolâtorlarda buluna. 114-ten 77-si – qırımtatarlardır. ''Hizb ut-Tahrir davası'' boyunca 68 kişi, ''Tabligi Camaat davası'' boyunca 4 kişi ve ''Yehova şaatları davası'' boyunca 10 kişi, cemi olaraq 82 kişi diniy sebepleden taqip etile. RF işbu diniy maddelerni vaqtınca işğal etilgen vatandaşlarımıznı taqip etmek maqsadınen faal şekilde qullana'', – dep ayttı o.
İşğalcilerniñ Qırımdaki qanunsız areketlerini izaatlar eken, Bariyev mahkeme davaları devamında işğalciler faal şekilde gizli şaatlarnı işletkenini, qanunsız şekilde telefon laflarını diñlegenlerini, tek camilerde degil de, evlerde bile alıp barılğan laflarnı yazıp alğanlarını qayd etti. Bundan ğayrı, işğalci akimiyet Qırımda faal şekilde mahkeme oturışuvlarına kelgen adamlarnıñ foto ve videoğa çıqara, soñra ise olarnen ayrı sorav, subet ve sorğular keçire. FSB içtimaiy ağlarda 6-10 yıl evelsi yazılğan maqale ve izaatlarnı qullana.
''Terrorizm ile küreşni manaçıq etip, işğalciler Qırım ealisi üzerindeki nezaretni quvetleştireler. Ve içtimaiy ağlarda eali ve içtimaiy ağlarnıñ mündericesi üzerinde nezaretni quvetleştirmek maqsadınen işğalci akimiyet İntenet tedarikçilerini paalı donatuvlarnı almağa mecbur ete ve hızmetleri içün fiyatlarnı arttıra'', – dep añlattı QMM başlığı.
Eskender Bariyev qayd etti ki, RF Esas qanunına kirsetilgen deñişmelerge binaen işğalciler Rusiye akimiyetiniñ areketlerini aqlağan qanunlarnı quvetleştirmege başladılar. RF siyaseti Qırımdaki insanlarnıñ diniy inançları ve muhalefet ile küreşkenini numayış ete. Ekspertniñ aytqanına köre, RF milliy qanuniyetni qullanıp, Qırımdaki vatandaşlarımıznı maksimal şekilde taqip etmege tırışa.
''Ne yapmalımız? Siyasiy mabuslarımız qoşma qorçalayıcılarğa muhtaclar. Halqara seviyedeki deputatlarnıñ semetdeşlerimizniñ terrorist olmağanından emin olmaları bizim içün müimdir'', – dep añlattı o.
Bu maqsad ile Qırımnı işğalden azat etüv ve qırımtatar halqı ile birdemlik oğrunda teşkil etilgen #LIBERATECRIMEA halqara areketi ''Atalıq'' halqara leyhası çerçivesinde ''Deputat, Kreml mabuslarına yardım et'' leyhasını başlattı. Faaller ukrain deputatlarını ukrain siyasiy mabuslarına atalıq yapmağa çağıralar.
''Cemiyetni deputatlarnıñ bu meselede faallikleri aqqında haberdar etecekmiz, deputatlarnen beraber çalışmağa, olarğa tolu malümat bermege azırmız. Atalıq maddiy yardım degil de, siyasiy qol tutuv olğanını qayd etmege isteyim. Em deputatlar, em siyasiy mabuslanıñ aqrabaları, em aq qorçalayıcılar olaraq ğayretlerimizni birleştirip, babalarnıñ balalarına, aqaylarnıñ apaylarına, oğullarnıñ analarına qaytmasına yardım ete bilirmiz.