The defendant in the so-called second Hizb ut-Tahrir case in Simferopol, Rustem Seytkhalilov, was ill in the pre-trial detention center: fever, sore throat, but no one provided medical help. The Crimean Tatar Resource Center was informed about this by his wife Elzara, adding that they did not respond to requests for a doctor.
''Aqayım keçenlerde hastalanıp aldı, onıñ boğazı ağırdı. Bir qaç kün ekimniñ çağırılmasını rica etti, amma oña öyle de kimse kelmedi. Men oña bundan evel yollağan ilâclarnen tedaviylendi'', – dep haber etti qadın.
Bundan ğayrı, siyasiy mabusnı daimiy şekilde baş ağrısı raatsızlay. Nezaret etilip, hastalıq sebebiniñ tapılmasını, tedaviylenmesini ariza yazıp istedi, amma tevqifhanede onı körmemezlikke uralar. Bundan ğayrı, ömür arqadaşınıñ aytqanına köre, ücresinde büyük miqdarda qandalay bar olğanından sebep, bedeninde tişlengen ve qaşınğan yerler bar.
Hatırlatamız ki, 2017 senesi saban ayınıñ 27-de Rusye işğalcileri 26 qırımtatar evinde kütleviy tintüvler keçirdiler. Bazı faalerde yasaq etilgen kitaplarnı taptılar. "Qırım birdemiligi" birleşmesiniñ malümatına köre, şu kitaplarnı quvetçiler özleri ketirip qoydılar. Kitaplardan ğayrı insanlardan telefon, planşet, noutbuk ve pasportlarını tutıp aldılar. Quvetçiler qırımtatarlarğa nisbeten qaba şekilde areket ete ediler. Olar yaqalanğan insanlarğa qarşı küç qullandılar. Evlerge ayaqqaplarını çıqarmayıp kirdiler. Tintüvlerge kelgen advokatlarnı müşterilerine yibermey ediler. Tintüvler neticesinde 20 insan yaqalandı, olarnı Rusiyede yasaq etilgen "Hizb ut-Tahrir" teşkilâtına alâqası olğanında qabaatladılar. Saban ayınıñ 28-de tintüvler keçirilgen vaqıt evlerinde olmağan daa üç qırımtatar faalini yaqaladılar. Saban ayınıñ 27-de ve 28-de işğal "mahkemesi" tintüvlerden soñ yaqalanğan 23 insannıñ cemisini apiske aldı. Sıñırlav tedbiri olaraq, episini tevqifhanede qaldırdılar. Soñra apis müddeti defalarca uzatılğan edi.