On Saturday, November 14, the Crimean Tatar Resource Center with the support of the Friedrich Naumann Foundation for Freedom in Ukraine continued the work of the IV Academy of Public Diplomacy of the Crimean Tatars. Within the framework of the II session, future people’s diplomats were introduced to the activities of the international movement #LIBERATECRIMEA, and also spoke about the peculiarities of Ukraine in world politics.
Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ azası Eskender Bariyev #LIBERATECRIMEA halqara areketi – onıñ teşkil etilmesi ve peyda oluvnıñ tarihı, maqsadları ve vazifeleri, missiyası ve qıymetleri, dünyanıñ çeşit türlü memleketlerinde amelge keçirilgen leyhaları ve tedbirleri aqqında ikâye etti.
Qonuşmacınıñ fikirince, areket Qırımnıñ qanunsız alda işğal etilmesini, halqara uquqnıñ qaba şekilde bozulmasını ve Qırımda 2014 senesiniñ kiçik ayından berli yapılğan cinayetlerniñ esas sebebini toqtatmağa talap etken grajdan cemiyetiniñ sesini quvetleştirmege maqsat etip qoyğandır.
Eskender Bariyev #LIBERATECRIMEA leyhası çerçivesinde amelge keçirilgen teşebbüsler ve şu cümleden ''#LIBERATECRIMEA – bayraqnen birleştirilgenler'' tedbiri, ''Namzet, Qırımnıñ kimge ait olğanını ayt'' leyhası, Halqara yazlıq azatlıq lageri ve basqaları aqqında ikâye etip, areketniñ faalcileri tarafından azırlanğan kreativ posterlerni numayış etti.
Taras Şevçenko adına Kıyiv milliy universiteti halqara munasebetler institutınıñ dotsenti, ilimler doktorı Svitlana Andrüşçenko Ukrainanıñ dünya siyasetinde rölünü, coğrafik mevamınıñ hususiyetlerini, halqara sanadaki global ve regional icracılarını tarif etti.
Trener dünya siyasetinde Ukraina meselesini, Ukraina ögünde turğan ilk nevbette vazifelerni, Rusiye ile Ukraina arasındaki cenkni çezüv yollarnı talil etti. Bundan ğayrı, Andrüşçenko Ukrainanıñ RF, AB, ABD ve Çina ile munasebetleri aqqında ikâye etti.
Hatırlatamız ki, boş aynıñ 7-de Qırımtatar Maaliy Merkezi "Fridrih Naumann adına Azatlıq fondunıñ" Ukrainada vekilliginiñ qol tutuvı Qırımtatarlar halq ögünde keçirecek diplomatiya IV Akademiyasınıñ faaliyetini başladı. Oquv ceryanınıñ 6 sessiyası devamında ihtisaslı trenerlernen ekspertler diñleyicilerni dünya siyasetiniñ hususiyetleri ve yönelişleri, Qırımda insan aqlarınıñ bozuluvı, qorçalayıcı leyhalar, insan aqlarınıñ qorçalanmasına hızmet etken halqara vastalar, halqara leyhalarda körgezmeli tilniñ ve dizaynıñ rölü ile tanıştıracaqlar.
Qırımtatarlar halq ögünde keçirecek diplomatiya Akademiyası leyhası "Fridrih Naumann adına Azatlıq fondunıñ" Ukrainada ve Aqrusiyede vekilliginiñ qol tutuvı ile amelge keçirile.