US Ambassador to the OSCE James Gilmore called on the Russian Federation to end its forced conscription campaign, as these actions are contrary to international law and are part of Russia’s efforts to militarize the peninsula.
''Qırımdaki Rusiye işğali meselesini kötermelimiz. Ukrainanıñ egemenligine zarar ketirmek niyetinen Rusiye Qırımnı işğal etti. Qırımda 24 biñge yaqın genç Rusiye Silâlı Quvetleriniñ terkibine alındı, qayd etkenimiz kibi, Rusiye halqara uquqnu bozıp, yarımadanı arbiyleştire. Rusiyeden zorbalıqnen orduğa çağıruv kampaniyasını toqtatmağa talap etemiz'', – dep ayttı o.
Gilmornıñ aytqanlarına köre, işğalci Rusiye akimiyeti qırımtatarlarnı ve etnik ukrainalılarnı horlamağa devam ete, olarnıñ söz serbestligi aqlarını ve tınç toplaşuvlar aqlarını sıñırlay. Bundan ğayrı o, Aqyarda ''Yegova Şaatlarınıñ'' yaqalanmasını takbih etti.
''İnsanlar tınç diniy ibadet serbestligi aqqına saip olğanını qayd etip, Rusiyeni ne işğalci akimietke, ne de bir de bir insanğa zarar ketirgen ''Yegova şaatlarına'' qarşı alıp barğan aqılsız küreşini, muntazam şekilde alıp barğan cezalavlarını toqtatatmağa, bütün ukrain siyasiy mabuslarını azat etmege çağıramız'', – dep qoştu o.
ABD Elçisi, Qırım meselesi Gelsinki añlaşmalarınıñ Yekünleyici aktında qayd etilgen havfsızlıq printsipleriniñ accı yarası olğanını qayd etti.