All the defendants in the so-called second Bakhchisaray Hizb ut-Tahrir case were transferred to Detention Center # 5 in Rostov-on-Don, where, as the political prisoners reported, their right to freedom of belief and freedom of religion was violated. This was reported by the Crimean Solidarity public association.
''Körüşüv esnasında oğlanlar Rostov-na-Donu şeeriniñ 5 sanlı SİZO-sında bulunğanları olarnıñ din ve ibadet serbestligi aqlarını bozğanını bildirdiler. Eki künde bir olarğa domuz etini içergen aşlar berile, olar bu aşlarnnı aşamayıp, aç qalalar. Şahsiy şeylerniñ bir qısımı olar 2019 senesi berim (sentâbr) ayından başlap, mahkeme qararı çıqarılğance bulunğan Rostov-na-Donu şeeriniñ 1 sanlı SİZO-sından ale daa bu yerge ketirilmedi. Ücrelerinde sıcaq suv yoq, böyle al da olarnıñ şağlıqlarına menfiy tesir ete'', – dep bildirdi abulqat Taras Omelçenko.
Hatırlatamız ki, 2017 senesi oktâbrniñ 11-de Bahçisarayda işğalciler qırımtatarlarnıñ evlerinde kütleviy tintüvler keçirdiler. Tintüvlerden soñ Marlen Asanov, Server Zekiryayev, Memet Belâlov, Seyran Saliyev, Ernes Ametov ve Timur İbragimovnı yaqaladılar. Olarnı Rusiye Ceza qanunnamesiniñ 205.5 maddesine köre, Rusiyede yasaq etilgen teşkilâtında iştirak etkenlerinde qabaatladılar.
2018 senesi mayısnıñ 21-de işğal etilgen Qırımda Rusiye quvetçileri "Qırım birdemligi" birleşmesi faalleriniñ evlerinde tintüvler keçirip, Server Mustafayev ve Edem Smailovnı yaqaladılar. Olarnı da Rusiyede yasaq etilgen "Hizb ut-Tahrir" teşkilâtında iştirak etkenlerinde qabaatladılar.
2019 senesi fevral ayında Bahçisaraydaki ekinci "Hizb ut-Tahrir davasınıñ" 8 mabüsi – Marlen Asanov, Server Zekiryayev, Memet Belâlov, Seyran Saliyev, Ernes Ametov, Timur İbragimov, Edem Smailov ve Server Mustafayevge qarşı Rusiye Ceza qanunnamesiniñ 278 maddesi boyunca (quvet yolınen akimiyetni elge keçirüv) cinaiy davanı açtılar.
Martnıñ 5-de Bahçisaraydaki ekinci "Hizb ut-Tahrir davasınıñ" eki mabüsi – Timur İbragimov ve Memet Belâlovğa qarşı qabaatlavlarnı Rusiye Ceza qanunnamesiniñ 205.5 maddesi ekinci qısmından ("terrorist teşkilâtında iştirak etmesi") birinci qısmına ("terrorist teşkilâtı faaliteniñ teşkil etmesi") deñiştirip quvetleştirdiler.
Berim ayınıñ 16-da, Rostov-na-Donudaki Cenübiy okrugınıñ arbiy mahkemesi Bahçisaraydaki ekinci "Hizb ut-Tahrir davasınıñ" mabuslarına üküm çıqardı. Marlen Asanov 19 yılğa, Memet Belâlov 18 yılğa, Timur İbragimov 17 yılğa, Seyran Saliyev 16 yılğa, Server Mustafayev 14 yılğa, Server Zekiryayev ve Edem Smayilov 13 yılğa qattı tertipli koloniyada apiske üküm etildi. Ernes Ametov ise qabaatsız tanılıp, mahkeme salonunda azat etildi.